عروس جديده ارجو المساعده

السلام عليكم ورحمه الله وبركاته
اخواتي في الله حابه مساعدتكم لي باي حلول تناسب وضعي انا صار لي متزوجه حاليا 3 شهور واسبوعين ولله الحمد اموري كلها تمام زوجي انسان طيب وحنون ومو مقصر بشي واهلي يحبوة وحياتي تعتبر سعيده ولكن
زوجي انسان كثير الكلام بشكل غير معقول طول ماهو جالس يتكلم مايوقف كلام الا وقت النوم حتي علي الاكل يتكلم هذرته زايده بشكل مو طبيعي لدرجه والله اني استخدم بندول يوميا من الصداع الوقت الي يكون بشغله او نايم رحمه بالنسبه لي والله لا ابالغ
تعبت نفسيا لدرجه صرت أقول له اسكت شويات او أقوم عنه او اقعد اطبخ بالساعات وببطئ ومع ذالك يجيني المطبخ وهاتك ياسوالف حتي لو ماسولفت معاه اظل ساكته ولكن هو يهذر حتي اذا زرنا بيت اهلي اخواني ينسحبون شوي شوي من الجلسه معاه وماالومهم سوالفه عاديه ولكن كثيره ودايم يقطع كلام الشخص الي معاه يبي بس هو يسولف أي انسان طبيعي لازم يأخذ راحه من السوالف مو 24 ساعه انا تعبت نفسيا وذهنيا صرت مشتته وبس يخش البيت احس بضيق شديد بعض الأحيان أكون بنام وهو يهذر للللللين هو يتعب وينام وش اسوي كيف الحل معاه تعبت كثير الي عندها نفس الحاله تساعدني ارجوكم
اشكر الأخت علي المعرف ويارب يحقق اماني كل وحده بترد علي
ارجوكم الموضوع جدي ومسبب لي قلق بشكل مو طبيعي واكيد البعض منكم بيشوفه سخيف ولكن يعلم الله وش قد انا تعبانه من هالمشكله وانا اخت لكم فياريت تساعدوني وماتنسوني من الدعاء