موضوع للنقاش عن حضانة الأيتام

اذا زوجك رافض
خلاص انسي الموضوع او بمعنى المشروع
مشروع كفالة اليتيم يبغاله الرضا والقبول من الجميع والتعاون
واذا صار احد ضدك مابتقدري توفري لهذا اليتيم الجو المناسب
اكفلي يتيم عن بعد يعني ادفعي فلوس لكفالة يتيم ولك الاجر
ان شاء الله.

حبيبتي انا رحت علشان اكفل يتيم لان عندي طفليين اصغرهم 8 سنوات واله رفضت طلبي استغفر الله حتى فعل الخير فيه واسطات لكن الله لايحللها اذا هي رفضت وهم عندهم احاو اكلمها تقول مافيه الى الان

يكفي تفكيرك بفعل الخير

الله يعطيكم العافيه
وياليت نقرأ أراء أكثر من الاخوات

رأي مين ياحلوه بعد كلام رسول الله (انا وكافل اليتيم في الجنه كهاتين في الجنه )
واللقيط في حكم اليتيم بل هو اشد حاجه وذلك بموجب فتوى صادره من هيئة كبار العلماء
انا تشرفت باحتضان يتيم ومبسوطه والحمد لله واسأل الله القبول صلاح النيه
وانا اشوف الخوف ماله داعي ومادام قلبك رحوم هذا شي يشجعك والرأي لك ولزوجك
وبالنسبه للزوج انا اشوف انه
اذا كان زوجك خايف من المسؤليه والتربيه والامور هذي ممكن تحاولي تقنعيه وتشجعيه
اما اذا كان من الناس اللى مايعجبهم وضع اليتيم او القول بانه ممكن يكون لقيط ومن الناس اللى يحملون اللقيط مسؤليه وضعه وانه (اوه لقيط اعوذ بالله)فهذي النوعيه عندها عنصريه مالها علاج ولاتحاولين تقنعيه بالاحتضان
هذي افكار جاهليه تكون مأثره على مخ الواحد والعياذ بالله
وصعب يتغير الا من رحم ربي
بمعنى اخر ربي نازع من قلبه الرحمه فمافي داع تطلبي منه شي هو مايمتلكه
وفي الاخير ما اقول الا ياريتكم تشوفون ابني اللى محتضنته ولولا الخوف من العين كان نزلت صورته
ادعوله اليومين هذي مريض ويستفرغ
ربي يشفيه ويصلحه ويهديه
والله انه احلى شي في حياتي
الله لايغير علينا
يسوى الدنيا ومافيها
وربي اني افديه بروحي
هو احلى هديه اعطانيها ربي