اخت دلوعة امها صاحباتي نفس الشي بناتهم راقوا بعد ما كملوا شهرين :)

متل ما قالوا الاخوات انتبهي انت لاكلك

والله يساعد بنتك حبيتي الغازات مزعجيتعا :)

هلا بدلوعة امها ...انصحج انج ما تحطين بودره الاطفال تحت الرقبه.. لاني جربته حق بنتي ولاحظت انه يخفي اللون الاحمر بس... لا وبالعكس بعد يزيد الالتهاب عن قبل... انا احط لبنتي .....دواء ينباع في كل مكان(في الجمعيه او الصيدليه) ويمكن تعرفينه اسمه gentian violet solution .. هو عباره عن سائل ازرق او بنفسجي... (.. اكيد بتعرفينه لانه مشهور وايد...
وبعد خالتي نصحتني بوضع الفازلين....
واذا كنت خايفه انج تجربين هاي الاشياء سيري الطبيب عشان يعطيج كريم خاص حقه ....لكن اهم شي انج تبتعدين عن البودره
وبالنسبه لحراره الغرفه انا بعد ما اقتنعت بكلام الدكتوره ... لاني اكتشفت ان بنتي تحر بسرعه وايد مب مثلي...(امي تقول الياهل يحر بسرعه ويبرد بسرعه بعد)
وبالنسبه للرضاعه ليش ما حاولتي تعطينهاحليبك بالملعقة لين ما تتعلمين كيف ترضعينها لان حليب الام احسن بوايد..
ونصيحة مني ابتعدي عن كل الاكلات اللي تحتوي على الخميرة وخاصة البيتزا والمعجنات لانها تسوي غازات للطفل...(عن تجربة)

شكرا لك اخت رسل واتمنى ان شاء الله انها تهدى لما تكبر
وبالنسبه للغازات انا اعطيها دواء طارد للغازات
والله يعين يارب
,,,,,,,,,,,,,,,,,,,,,,,,,,,,,,
REEMONI والله توني ادري ان البودره تزيد الالتهاب بالنسبه للفازلين جربته وزاد الالتهاب
مانفع لها ... والكريم الي انتي حاطه اسمه هل هو موجود في امريكا... وان شاء الله لي مع الدكتوره موعد
يوم الجمعه .
والله ياختي جربت كل شي حاولت ارضعها طبيعي لين خلاص بغيت اموت بس ماكتبه ربي ترضع مني
و الحين انا وبنتي كلنا تعبانين كحه وعطاس شديد ... انا بكيفي بس ضايق صدري على بنتي مسكينه ماتقدر تتنفس
زين وتكح كحه قويه ... حتى صارت معد تقدر ترضع ولا تصيح لان صوتها مره مبحوح
يااااااااااااارب تعين وترجعنا وكل المسلمين لديرتنا باقرب وقت
ونصيحه لكل اخت بالمنتدى والعالم كله لاحد يولد بعيد عن اهله لانك تعيشين حياة ثانيه..و مرررره صعب التأقلم معها
خصوصا اذا كان زوجك مشغول عنك زي حالتي

اختي دلوعه امها انا ما اعرف اذا ينباع بامريكا او لا .... وهو عباره عن سائل مب كريم........وبالنسبه للزكام نصيحة مني بعد ما تنام بالليل خاصة.. غطي سريرها بغطا خفيف مب غليظ يمنع الهواء حتى يتم الهواء اللي تتنفسه دافي وبالتالي ما تمرض... وانا بنتي كذلك كل صبح تقوم وهي مزكمه على الرغم اني ما اشغل المكيف... وجربت اليوم شغلت الدفايه اللي بالصاله (مب حجرة النوم) طول الليل .. والصبح شفت ان زكامها خفيف جدا الحمدلله...
الله يعينا نحن المغتربات.....

هلا أختي.. شوفي عقب ماتبدلينها وترضعينها .. خليها شوي على كتفج عشان ( تدسع ) تتجشأ.. يمكن ماتدسعينها عشان جذه تصيح.. انتي رقديها على الطرف الأيمن أو الأيسر أحسن من على الظهر.. وبعدين يمكن تحطيلها كمامة ( اللي تعدل الراس ).. تراها ماتريحهم.. حاولي تقرين عليها وانتي ترقدينها وياريت بصوت عشان تسمع القران.. وانشالله تهدأ وترقد.. لااااااااكن لا تعلمينها على الشل.. بتتعيج بعدين .. خليها بتصيح شوي وبترقد.. والله يعين ياختي.. ويخليلج اياها..