**** ليه يا عبيد *****

الترفيه والتسلية

سلااام عليكم ورحمه الله وبركاته

وحشتوني موووووووووووت وتبيون توحشوني أكثر في الاجازة ليه مدري يمكن عشان

كل وحدة عندها برنامج معين وتبي تروح وتخلينا وأنا والله مدري وين اروح وإيش أسوي

بعدكم الله لايحرمني منكم قولوا آميييييييييييييييييييييييييييييييين

نرجع لموضوعنا 0000



عندماتشاهدين بزر من الشارع وتسأله

هل تحب المدرسه ياولدي ؟

ويقولك : لا :42:

هنا اعلمي انك في المملكه العربيه السعوديه

لحظة صمت باللهي هاظت وطنيتي

.
.
.
.
.

ايوه نكمل

بس وش كنا نقول لني قمت افكر بالوطن ونسيت وش كنت بقول

ايه البزر اللي شاهدناه وسألناه وقال مااحب المدرسه هو ماقال كذا وانتهينا كمل الرجال بس الباقي مشفر تدرون

********************************************
الله إ يلعن بليسكم اذا طلعت من الموضوع علموني <<< ذابه الميانه

نرجع للبزر اللي شاهدناه

عبيّد

طفل سعودي كاف خيره وشره الا من محارش عيال الحاره

مع هذا بعيون امه كاف خيره وشره كبقية الامهات السعوديات اللاتي يطبقن ((القرد بعين امه غزال )) بإتقان

صحى عبيّد في يوم من الايام طبعا لا صلاة ولا براة واتجه لسونيه اللي له اسبوع مشبوك ومضغوط ستارت

يوم جا بيقول جملته المعتاده

((يمااااااااه وين الفطور ))

قبل مايقول يمـــ ...

اكتشف عبيّد ان صوته تغير يعني صار رجال واختلطت مشاعر الفرح بمشاعر الخوف من الذب عليه وعلى صوته000 عندة خوات

خوات ماخلاهن بحالهم من الذب على اشيائهن الخاصه وهن لهن مده يحترن يصير فيه شي خاص عشان يذبن عليه

بس ماهمه ومشى في طريقه وكبر بعد شوي ودخل ثانويه وتخرج بنسبة معقوله

وقرر انه يصير رجال بمعنى الكلمه ويقدر يسنع خواته وامه لأن ابوه متوفي صادمله بعير وهو رايحن لمزرعته وكان

راكب جمس احمر موديل 86 قزازته الامامييه ممشوخه >>>تبون اعلمكم وش لون البعير وهل هو انثى والا ذكر ترى ماعندي مانع

استمر عبيّد وهو عايش مع اهله وذال اخته هيفا اللي عجز يبي يدانيها ولا قدر

مثلي عندي اخت صغيره عجزت احبها قسمن بالله مدري يمكن عشانها تسعبل دايم

هماني قايله اذا طلعتا من الموضوع علموني

المهم انقبل عبيد بجامعه من جامعات المملكه الثمان <<<تبي تعلمكم انها حاسبتهن

ودرس واجتهد وتخرج <<< الله يالدنيا ثلاث كلمات وتخرج الولد وانا من يوم عرفت نفسي وانا احكي وماتخرجت للحين

المهم ماصدق عبيد انه يتخرج الا وحاس الرياض يبي وضيفه <<< قسم بالله مايضحك

وعلى طول اول مكتب دخله قالوا هلااااا والله ابشر وضيفتك زاهبه والراتب زين والدوام الاسبوع الجاي

اذا مافدنا شباب وطنا من نفيد ؟

تخيلوا؟؟؟

لالا العب عليكم

مالقى وضيفه بس ترى مالعبت عليكم من فراغ

عبيد رجع البيت وهو محطم ماقدامه الا ذكريات الدراسه منول والتعب والجهد والسهر

في سبيل رقي الوطن وازدهاره <<< ايه هين

ام عبيّد قامت تهون عليه ماعليك ياوليدي اللي مايعرفك مايثمنك <<< ياناس انا قاهرتني ام عبيد معطيه ولدها اكبر من حجمه

وعبيد حامت كبده من الدوران حول المكاتب لين فقد الامل والسبب ان تخصصه ماعليه سوق اجل احد يتخصص اثار وحنا

ماعندنا الا مدائن صالح ومانين فيها بعد

هيفا اخته استغلت ذا الفرصه ومسكتها عليه يالعاطل يالعاله جالسلنا على الفاضي واللذي منه

اما منيره بنت خالته اللي خاطبها من يومنه بثاني متوسط هونت عنه وتزوجت ولد عمها

اصلن من حينها تدور عليه شي وماصدقت تلقى عليه عذروب

والسبب ان عبيّد فيه حبت خال على خشمه ومنيره طول ذا المده تجامل خالتها

وعبيّد مايدري وين يجيها معه مل من قعدة البيت مل من النت

مل من حياته الروتينيه اللي مالها داعي وحاول انه يختلط مع الناس

اول ماتعرف

على مجموعة شباب واندمج معهم لن وجيهم كانت منوره <<< إيه هين

مرت السنون والبنون

وجا يوم قمزت هيفا من عند التلفزيون

يمااااااااااااه يماااااااااااااه الحقي الرياض انفجرت

مشكلة اهل القرى يحسبون الرياض صغيره

جت الام تركض وتوطي بنها حصه وهي متمدده بالصاله وحصه آآآآآه

يمه ناضري طريقك مامليت من رحمي قسم !!!

والام لاهيه تبي تلحق على التلفزيون

لين انبعجت حصه <<< ترى مادري وش البعج بس دايم اتحلوا بحكي الحريم

المهم يوم وصلت ام عبيّد للتلفزيون وهم يشوفون احد الانفجارات الكبيره ومقابلات مع الضحايا المصابين وتعداد

للمتوفين والمفقودين قامت ام عبيّد ورفعت ثوبها لين طلع سروالها اللابيض المخطط بازرق << خط البلده 0مدري وش دخل

رفعة الثوب بالدعا بس يمكن من الحماس <<< تحسون اني ابي ادخل مقطع خات باللي هوبه تماشيا مع اهتماماتكم بس

عجزت <<< بتنطرد من اولها

ورفعت يدينها بعد ماصفقتهن ببعض وقامت تدعي ياجعل اللي مفجر بالرياض للنار ياجعله مايشم الجنه

ياجعل بناتي يعرسن <<< دعوه تدخلها كل ام بكل سالفه

وبعد ساعاات جاها الخبر ان عبيد هو اللي مفجر

عبيّد هو اللي خان ديرته اللي شرب من مويتها وتنفس هواها ولعب على ترابها

وينك يام عبيد خليتي ولدك وهو بحاجتك ؟

وينك يالوطن نسيت عبيد يومنه مانساك ؟؟

ليه ياعبيد ؟؟؟



م 0000 ل000 ت0000و0000ش

تحياتي
ام البطل
10
985

يلزم عليك تسجيل الدخول أولًا لكتابة تعليق.

تسجيل دخول

طيوبه
طيوبه
نعنبــــــــو ابليسك يامصرقعووووووووه
خخخخخخخخخخخخخخخخخخخخخخخخخخ تهبل القصة ضحكتيني وأنا على الكرسي>>>احلفي
هذا مسلسل درامي ....((ثمن عمري)) ولا((دارت الايام))>>>>>>كأني ذاكرتهن عاد

أما سروال خط البلـــــــــــــدة أموووووووووت وأعرف مين اللي سماه
ودعاء الام لبناتها >>>>>>قمت الخبااااااااالة والصرقعععععععة خخخخخخخخخ

تسلمين ياأحلى أم بطل في هالدنيا
حبيبة أبوها
حبيبة أبوها
وعليكم السلام ورحمة الله وبركاته



انت وحشتينا اكثر يا ام الابطال:32:


لا تخافين انا ابصير مرتزه في النت في العطله ان ربي كتب لي حياة يعني جالسه على قلبك:p




عندنا نماذج كثيره >>>>>> اولهم حبيبة:42:



يسلمووووووووو ياقلبي:27:







:26:
صـــــــ الحرمان ـــدى
هههههههههههه
اما عبيد هذا لا وفيه حبة خال بخشمه
خخخخخخ
حبيبتي ام البطل يسلمووو يدينك على احلى ل ت ش ه
:26:
omjood
omjood
قصصصصصصصصه حلللللوه

جات على جرح الشباب اما البنات:27: هين كل وحده بتلقى احد يصرف عليها من تكريم الاسلام لهم

بس اقول ام البطل ماكأن لطوشاتك صايره سياسيه اخاف بكره وانك مرتزه في تلفزيون الجزيره

مسوين معاك لقاء ههههههههههههههههههه


تسلمي عيوني على التسه الحلووووووه
غلوو تــــن
غلوو تــــن
أم البطل حبيبى أنت يابو مواضيع في الصميم...........



الله يقطع أبليسج على هالمقطع خخخخخخخخخخخخخخخخخخخخخخخخ