بنوتـــة

بنوتـــة @bnot_7

محررة ذهبية

بنــــــــــــــــــــــــــــات زايد شو رايكم نتعاون؟؟؟؟؟؟؟؟؟؟؟؟؟؟؟

سوق عالم حواء التجاري

السلام عليكم بنات زايد ......

أعتقد الموضوع انطرح من قبل بس مادري شو صار ؟

المهم بدخل في الموضوع على طول <<< سهرانه مالي خلق وفيني رقاد :22:


اللي تعبوا من اراميكس ومن تحويل المبلغ سواء عن طريق البنك او الصرافات...
شو راااااااااااااايكم ان احنا نتعاون في توصيل الاغراض يعني اللي رايحه راده بين امارتين تاخذ وياها اغراض وتييب اغراض .....بس بشروط علشان تكون المهمة سهلة على اللي بيوصلون ... ولأنهم بيوصلونها ببلاش ......الشروط هي :

التاجره توصله لبيت (( اللي بتوصل ))............و((اللي بتوصل )) بتعطي التاجره مبلغ الاغراض وقت الاستلام طبعا ...والمشتريه تاخذ الاغراض من بيت ((اللي بتوصل)) وتعطيها الفلوس ..........

يعني اللي بتوصل بتكون في البيت ما بتسوي شي ولا بتتعب .....

وطبعا هالشي مب اجباري....... واللي حاسه انها ما تقدر تسوي هالشي او ان سالفة (انها تدفع للتاجره وتاخذ المبلغ من المشتريه بعد كم يوم) شي صعب عليها ....من حقها طبعا انها ما تتطوع وهذا شي عادي :)

فشو رايكم؟؟؟ ........هالشي بيساعد ولا بيلخبط الدنيا وما له داعي؟؟؟؟

وانا عن نفسي أتطوع أخذ اي اغراض من بوظبي للعين او من العين لأبوظبي .....بس مع الشرط اللي فوق :)
7
389

يلزم عليك تسجيل الدخول أولًا لكتابة تعليق.

تسجيل دخول

سلافة2120
سلافة2120
فكرة حلوة مع اني مااني من دبي بس اشوف انه لو المبلغ يتودع افضل علشان ماتتحمل اللي بتوصل وتدفع وبعدين الي تشتري تبطل:)
انجـــود
انجـــود
حلوووه الفكره وانا من الشارجه اقدر اوصل لعجمان ودبي لين الملا بلازا

هذا اللي ادله

بس الافضل اللي طالبه شي تتدفع الفلوس مع صاحبة التوصيل
بنت_البنات
بنت_البنات
فكرة حلوة
بنوتـــة
بنوتـــة
والله يعني رايكم سالفة الفلوس مالها داعي؟ هممممم انا كان قصدي أسهل الموضوع لأبعد الحدود ...لان في بنات ما يقدرون يودعون في البنك لان البنوك تفتح الصبح ورياييلهم في الدوام فيضطرون يودونها صرافه ويدفعون مبلغ زياده يعني سالفه .....

وبعدين ما بيكون في مشكله لان لو صار مثلا المشتريه ما خذت اغراضها او شي لا سمح الله....فعادي...صاحبة التوصيل ترجع الاغراض للتاجره ....والتاجره ترد الفلوس لصاحبة التوصيل ....صح ولا لا :)
*المسافرة*
*المسافرة*
صدقج سالفة التحويل سالفة وخاصة اذا كانت البضاعة عادية ماتستاهل التحويل وبعدين أراميكس.. وهذا الل ييخلي أغلب البنات مايشترن من التاجرات هنيه.. تزيد سعر البضاعة وايد..

قصدج التاجرة اللي توصل الأغراض للي بتقوم بالعملية صح؟؟ وبعدين ترجع تاخذ فلوسها!!

حلوة الفكرة بس أعتقد بعض التاجرات بيقولن مب مكلفين نسير.. اللي يبقي يشتري يشتري وبينا التحويل وأراميكس.. لأنه يمكن بعد هم عليهم صعبة لأنه البيوت مب حذال بعض.. وتعرفين المناطق شكبرها..

مع انها الفكرة مقبولة بس يمكن تكون سهلة لحد وحد لا..

بانتظار راي أغلب البنات ونشوف ردودهم.. مع انه فكرتج خطيرة يابنوته..

يعطيج العافية..