كلامكم كتيييير حلو وموضوع مفيد وارادة حديد انا قصتي بدت من زماااااااااااااان زيادة كل سنة 2كيلو لغاية ماوصلت 79كيلو مع اني كنت 52كيلو لما تزوجت المهم عملت ريجيم عدة مرات وانزل بعدين ارجعهم وعليهم حبة مسك
الان انا سجلت معاكم في المنتدى ونزلت والحمد لله لغاية 73.5كيلو وان شاء الله استمر في النزول لغاية ما اوصل الخمسينات يارب :10_8_11:

أما انا فسبق لي طرح موضوع سمنتي في هذا المنتدى ولكني سأعيد قصتي لأعطي بعض الحماس للي توها تبي تبتدي في الريجيم : كنت قبل الزواج وحدة ثانية جسمي ولا ما نيكان ....... مع اني كنت آاااااااكل الخضر واليابس يعني طول يومي أكل حتى أيام الجامعة من الصبح لوقت العصر ما أبطل من الأكل بس كان جسمي ثابت ما شاء الله ( أعتقد أنه السبب كان كرة السلة ) لأني مشتركة ( كنت ) في أحد النوادي الرياضية في كرة السلة وعلى طول كان عندنا دورات لمباريات كرة السلة على مستوى البلاد في البحرين وكنت قبلها أمارس اللعبة في المدرسة الثانوية ومن تزوجت خلاص باي باي للرشاقة وأهلا للسمنة حملت من اول شهر زواج وسقطت وكانت المحصلة 10 كيلو زيادة تخيلوا لأني أصبت باحباط شديد من اسقاط حملي وقمت آآآكل طول يومي واعتزلت الناس والطلعات لحد ما حملت مرة ثانية بعد سنة من الحمل الأول وعلى فكرة أنا ما يزيد وزني كثير في الحمل بسبب الوحام بس أولد وزني بسرعة يعني اكتسب 10 كيلو بعد كل حمل والثاني والثالث المحصل النهائية 40 كيلو بست سنوات حتى شافتني وحدة من أصحاب الجامعة من قبل ما أسوي ريجيم أيام السمنة ما عرفتني الا يوم ناديتها باسمها وذكرتها بنفسي قالت لي حرام اشسويتي بنفسك كنك وحدة مريضة وين الحيوية والرشاقة ....... المهم ابتديت ريجيم ورياضة من حوالي السنة والحين استعدت بعضا من الرشاقة ووصلت لل 60كجم واحس الوزن ثبت خلاص ما أقدر أنحف زيادة ولا أبي أنحف أصلا أكثر من جذي ..:7_5_131:

omyasin

بالتوفيق إن شاء الله ويارب يوصل وزنك بالخمسين وهذي نفس امنيتي :06:


miss.amal

ما شاء الله عليج لاعبه كره سله مره وحده
نفس غرااااااااامي لما كنت بالمدرسه بالثانويه والاعداديه كنت ماهره بكره السله بس كنت العب الدوريات إلي بين المدارس بسسسسسسسس
وكنت اتأثر واااااايد إذا كنا نخسر او حتى نفووز
وبعد مادخلت الجامعه تركت لعبه كره السله
وعلى فكره انه بحرينيه بعد مافي إلا نتقااابل ونتنافس بكره السلة

انا قصتي قصة في عالم الرجيمااااااات !!!!!!!!!!!!!!
من صغري مليانة لمن تزوجت كان وزني 65
وبعد الحمل والولادة صار وزني 75
وقعدت سنوات على هذا الوزن وما افكر بالرجيم ولا الرياضة
وفي حملي ببنتي الرابعة كانت نفسي منسدة عن الاكل وكل ما يشوفني احد يقول لي نحفانة
وبعد الولادة جسمي صار احلى من الاول ومبينة اصغر فكان هذا الشئ حافز لي
وفي شئ ثاني كان زواج اخوي الكبير بعد كم شهر فقلت لازم امشي على نظام غذائي علشان بالعرس اكون وحدة ثانية وفعلا ,,,,,,,,,,,,,,,,,,,
رحت عند اخصائية في التغذية واستمريت معاها لمدة 4 اشهر وصار وزني 56 كيلوووو!!!!
وبعرس اخوي كل من يسال منو هذي ما عرفوني من الرشااااااقة!!!!!!!
المهم حملت بعد العرس وانا مو حاسة على بالي من الحمل وبعد الولادة وزني74!!!!!
لمن وصل 80 بعدين سويت رجيم الكيميائي ونقص 72
وبعدها تركت الرجيم وانشغلت بالدراسة وبالعيال وصار وزني 100!!!!!!!
بعدها وعيت لنفسي وسويت انواع الرجيمات وصل وزني 93
وقعدت 5 سنين على هالوزن !!!!!!
ومن 10 شهور ومع المسابقات في المنتدى ومع تجارب البنات جزاهم الله خير
نزل وزني اكثر من 11 كيلووو تقريبا وزني الحين 81 كيلوووووو
ون شاءالله اوصل 70 كيلوووو قبل رمضان يارب ....
هذي قصتي بين مد وجزر في عالم الرجيم........

جلنار
ماشاء الله عليج مكافحه في عالم السمنه
وما شاء الله عليج وصلتي لوزن 56 وهالوزن اتمنى إني اوصله
وإن شاء الله راح اوصله يعني راح اوصله
وإنتي بعد إن شاء الله وبعون الله تعالى راح تنحفين يارب وتوصلين للوزن إلي تتمنينه
وإن شاء الله إذا وصلتي له لازم تحافظين عليه