مـنـوعـاتـي"اسماء محلات وصور ونصائح"تـعـالوو والـبـسـوو لـلـعـيـد

الأزياء والموضة

السلام عليكم ورحمة الله وبركاته ,,

درت في المواضيع شوي أدور لبس حلو لاختي في نفاسها لاننا بنسوي لها استقبال

لكن انصدمممت ان اغلب المواضيع عن العيد ولبس العيد والغالبيه مالقوو شي ؟؟؟؟؟؟؟؟؟

انا العيد أعيد عند خوالي وأحيانآ عند أهلي "أهل أبوي"

أهلي يجتمعون اللي بالرياض والقصيم والشرقيه وماشاء الله عددهم جدآ كبير وكثير منهم ما اعرفهم

وخوالي أقل عدد ممكن اقابله 50 شخص "بس ترى أهلي أكثررر بكثيرر"

لكن ماشلت هم العيد ابددددددددد ولا فكرت في لبسه ؟؟؟؟؟

ابقول لكم طريقه معتمدتها من زماااااااان وأطبقها في كل مناسباتي
.
انا ما أحب الاسواق وقليل أطلع لكن اذا طلعت تسوقت اللي يكفيني سنه ههههههه عاد مو سنه بس اتسوق صح

ومحلاتي دائمآ معروفه واسواقي معروفه

لكن ولله الحمد ماعمري رحت لمكان أو لبست لبس لا أنا ولا خواتي الا الكل ينهبل عليه ولازم ننسأل عن لبسنا ,,

تدرون ليش ؟؟؟

أول شي وأهم شي وهو السبب بتوفيقي بلبسي أني اذا جيت بطلع أحتسب أجر صلة الرحم اذا انعزمت على طوول أسأل من بيجي اذا ناس من زمان عنهم على طوول اوافق حتى لو ما انعزمت الا بنفس اليوم ,,

وياربي لك الحمد على طوول القى لبس يصلح بدولابي وهذا بفضل الله ثم فضل صلة الرحم ,,

ثاني شي انا من النوع اللي اذا شريت تيور وطلع حلو وموديله كلاسيكي "غالبآ تكون دانيتل او حرير ومافيه خربطه" احتفظ فيه وأرجع أكرره بس متى أكرره بعد ما أضمن ان الكل نساااه ههههه

يعني لبست تيور بعيد يوم اني بالمتوسط وانا الحين باقي لي سنه واتخرج من الجامعه وتووني أكرره ,,

"طبعآ محتفظه بالتيور لانه مرره كشخه ومالبسته الا مره ومثل كذا حرام أرميه مع اني والله ناسيه من وين وكم سعره وحتى ناسيه اني محتفظه فيه بس قررت انا وامي نروح لعزيمه على آخر العصر لما درينا ان خالاتها بيروحون فتحت دولابي وانصدمت فيه قسته والحمدلله اني ناحفه فصار مقاسي ويجنن بعد علي"

ولما لبسته أول من انهبل عليه خالاتي وانصدموو لما قلت لهم قديم عندي ولابسته بعيد هههههههههه
.
الشي الثالث لما أروح للسوق واشوف تنوره أو بلوزه او شنطه تعجبني على طوول آخذهم بدون تردد لاني عارفه اني مصيري بلبسهم مع شي لكن لما اشوف بدي اتردد مية مررره وما آخذه الا اذا ضمنت له لبس "البديات الكشخه مو العاديه" لان البدي صعععب جدآ تطلعين له لبس واسعارها غالبآ رخيصه ومتوفره باشكال تجننن وتغررري فتشترين لكن تنصدمين لما تصفين دولابك ان أغلب اللي طلعتيهم بديات جديده ؟؟؟
البلوزه لازم تطلعين لها شي والتنوره لازم يطلع لها شي بعد والشنطه ابددد ماتحتارين فيهم فخذي وكثري بعد اذا عجبوك عشان لما تحتاجين ماتضيعين على الاقل تكونين تنسقين لهم قطع بس ,,

فترة التخفيضات استغليهااااااا بشراء البديات القطنيه الداخليه مع الملابس "حقت تستير الفتحتات" والتيشرتات حتى لو ماكنتي محتاجتهم لان اسعارهم تصير مغرريه "عند ألكوت تصير على 10 ريال" فخذي وكثري لو مالبستيهم وضقتي فيهم خليهم هدايا للبنات الصغار
.
حنا الحين برمضان انتبهييييييييييييييي يضيييع عليك بالاسواااق

اذا بغيتي تروحين للسوق اطلعي الظهر كل المحلات فاتحه الظهر وقت اغلب الناس فاضين فيه اطلعي للسوق في هالوقت الاسواق فاضيه والناس صايمه الكل محتشم وبيده سبحته ومسواكه

يعني طلعتي من السوق وان شاء الله انك ماخربتي صيامك مو زي الليل الواحد يتحسف انه طلع من الاشياء اللي بيشوفها ,,

والمطبخ لالالالالالالالالالالالاحقه عليه اليوم اللي بتطلعين فيه للسوق وانتي راجعه مري مخابز وخذي الاشياء اللي تاخذ وقت باعدادها زي الفطاير خذيها من المخابز عشان اذا رجعتي يكون الشغل خف عليك

وانتبهييييييييييييي من الطلعه بالليل للسوق برمضان ترى والله مافيها خير ومع الزحمه ماتلاقين شي وكل البضايع محيووسه
.

انا قبل فتره "بشعبان" رحت لحياة موول اول مادخلته على دول رحت لليمين ودخلت بألكوت وكانت عندهم تناير طويله مرره حلووه مشجره تركواز فبني واسود باورنج امي قششششت منهم وكثررت يمكن اخذت 6 حبات لها وهدايا ,,

تصلح للحريم الكبار وبنفس الوقت للناس اللي ماعندهم ززحمه بالعيد يعني عيدهم عادي

واذا طلعتي من ألكوت ادخلي سترادي فايرس الاقي عندهم بلايز حلوه بس مو دايم انتم شيكيو عليه يمكن تلاقون شي

اطلعوا من سترادي فايرس وسيداااااااا لآخر السيب محل بالاخير ما اعرف أسمه بس هو آآآآخر محل على اليمين قبل البوابه اللي هناك لون ديكوراته ولوحته اسود

عنده شنط مرره حلووووه وعلى الموووضه واسعارها رخيصه ماتتعدا الـ 150 ريال شيكي على الشنط واذا شفتي شي يعجبك لاتتردين خذي لانك بتلاقين لها تنوره بعد اشوي بس اصبري امشي معاي هههههههههههه

اذا طلعتي من هالمحل بتلاقين بوجهك محل فينيسي تبع الشوز الله يكرمكم اذا لك حاجه فيه ادخليه ولا ارجعي للبوابه 1 يعني من عند ألكوت ,,

بعدين روحي على نفس السيب اللي فيه الكوت بس من الجهه الثانيه من جهة بيرشكا

امشي شووي وبعد ألدو وحلات الشوز الله يكرمكم خلي عينك على الملابس المعروضه بجهة اليمين فيه محل صغيرر نسيت أسمه عندهـ تناير مرررررررره حلووووووووه وعلى الموووضه ومررررره ماشيه مع الشنط اللي بالمحل الاول شوفي تيوراته بس انا ماعجبني التيور كامل عجبتني بس التناير عنده مررره حلووه واسعارها الظاهر ماتتعدا الـ 150 ريال

خلصتي من هالمحل خلاص ما انصحك تكملين لان كل المحلات عاديه مافيها شي اطلعي من حياة موول

ويالله على غرناااااطه ,,

دخلتي غرناطه لحظه خليك بالبدايه مايحتاج مشاوير على اليمين السواني ادخليه ,,

عنده اشياء مررررره حلووووووه وكلها جديده وموديلات غريبه وحتى الوانها مره حلووه ومو تقليديه ,,

لفيه كويس ودورررري زييين تراه مرره حلووو ماعجبك شي خلالاص اطلعي من غرناطه كلللللللللللله لان الباقي اقل من عادي
.
"ناسيه اكتب عن سيتي ماكس وسويت تعديل للموضوع"

بنات سيتي ماكس حاليآ غييييييير لايفوووتكم بالذات فرعهم اللي على خريص مرررررررررررررره حلووووو وصغير يمديك تشوفينه ومرتب بالغالب بس لاتروووحين بالليييييل لانك بتكرهين نفسك زي ماقلت قبل خليها بالظهر عاد سيتي ماكس بالايام العاديه ززحمه كيف الحين ,,
انا ما احب سيتي ماكس ونااادر البس منهم لان لبسهم متكرر وتلاقينه زيه بكل مكان بس هالمره سيتي ماكس غيييييييير من جدد طالع حلوووو لا اطفال ولا نساء ولا بنات راحت له اختي جابت منه بلايز رووووعه مستحيييل احد يصدق انها من سيتي ماكس بالذات ان اختي دبدوبه شوي فصعب تلاقي شي يعجبها ويطلع حلو على جسمها ولقت عند سيتي ماكس اشياااء مررره حلوووه فشرت لها هي وعيالها منه هي 3 لبسات وعيالها كل واحد على لبستين او ثلاث الظاهر بـ 500 ريال بسسس ,,
.
ماعجبك ولا شي بكل هالاماكن خلاص لاتضيعين وقت وروحي لمحلات الدخيل تبع الأقمشه ,,

شوفي الاقمشه وتنقي اللي يعجبك وقصيه وارجعي للبيت اطبعي من هالصور وعطيها أقررب خياط توثقين فيه ووووكل عام وانتي بخيرررر :)

ايه صححح ترى أقمشة الدخيل آخر شعبان نزلوا اقمشه نفسس اللي عند السواني بالضبببط الاختلاف كان بالالوان بس وعلى طوووول خلصت يعني لاتستهينون فيهم ابددد ,,

do_003
8
8
مرره حلوو وعلى الموضه اعتقد تصميم ايلي صعب
وانتي خليه طويل ولا البسي تحته كيلون كامل زي اللي لابسته العارضه طايحين في هالحركه الحين مرره
وانا اشوف انها تجننن وبنفس الوقت تستر لبسك بطريقه حلوه ,,

do_005

8
8
البلوزه هنا مرررره حلوووه ,,

ويمشي معاها موديلات كثيررره من التناير زي قصة السمكه مرره ماشي معاها
ولو لونها اوف وايت"لؤلؤي" مع تنوره اوف وايت والبروشات أسود أو بنفسجي بيطلع مرره حلوو ,,
.
do_006

8
8
الجاكيت هذا مرره حلووو لو عندك بدي حلو ومشغول مع تنوره قصة سمكه ويكون القماش ساتان بس ألوان هاديه تناسب الموديل اتوقع بيطلع مرره حلووه

.
do

8
8
التيور هذا شهادتي فيه مجروحه بالذات البلوزه ولو فيني شده للحوسه كان سويت لي زيها بلا تردد ,,

تنورتها حلوه بس لو طويله طلعت أحلى وأرقى وبمستوى رقي البلوزه ,,

قماش البلوزه بدوون تفكير اورقنزا ,,
.
do_008

8
8
التايقر زي الجينز ماتروح موضته أبددد وبنفس الوقت مرره حلووو للصباح والليل ,,

اللي يلبسون فساتين بيوم العيد لايفوتون هالفستان

.
do_002

8
8
التيور هذا لاتعليق عليه من جددددد روووعه واتوقع ماراح يضبطه الا الخياطات ,,
ونفس الشي تخيلوه بتنوره طويله أررررقى بكثيرررر بالذات لو التنوره نازل عليها من التطري زي اللي على الكتف بس من جهة اليمين ,,

do_007

8
8
هذا بعد يصلح للي يلبسون فساتين والله يكون فعونهم لان صعب جدآ اختيار موديلات تناسب الصباح


.do_004
8
8
وأخيرآ وليس آخرآ نختم بهالتيور البسيط ,,

وأتمنى أكون أفدتكم لو بشي بسيط :)

آخرآ برايفت للمشرفات بين الاقواس " سوووري ماتذكرت التضليل الا بعد التحميل وانا اضيف الصور بس باذن الله بعدله "
.


<<<تم التظليل بواسطة فريق تظليل عالم حواء>>>

31
12K

يلزم عليك تسجيل الدخول أولًا لكتابة تعليق.

تسجيل دخول

الغاده المترفه
نايسسسسسسس تسلمين الغلا
silent days
silent days
يا حليلك ويا زين سوالفك الله يخلي لك اهلك وخوالك وامك
تسلمين لى الابداع شكراااا
ThE dReMeR
ThE dReMeR
شكلك ذوووووووويقه

مشكوره

وكثري من هالمواضيع
انتظرك ..
انتظرك ..
تسلمين


لكن ما اوافقك في كون غرناطة هو السواني بس
تدرين ان هالسواني اكرهه في المناسبات لانه ينتشر ومافيه غرابه

احبه في المدارس والدوامات

اما عرناطة في محلات غريبه بس يبيله رخوة ريال
الله يرزق الجميع
واااااو موضوع بطــــــــــــــل

نفس محلاتي اللي أحبهاااااا

ونفس ذوقي بالبلايز اللي أحبهااااا

يعني النتيجة اني أحبببببببببببببك <<<<ما عليه منسمــــــــــة من شدة الونااااصة

يسلمووووووووووو برشاااااااا برشاااااااا