انا استخدم شي واحد فقط من اجل التهاب الحفاض لطفلي وهو موجود في كل بيت

السلام عليكم ورحمة الله وبركاته اخباركم ياامهات عندي طريقه مفيده جدا لالتهاب الحفاض عند الاطفال وتستخدمي شي واحد والله يابنات انكم راح تلاحظون الفرق وان الالتهاب يخف ويرووووح فورا خلال غيارين او ثلاث مو خلال يومين او ثلاث ركزو خلال غيارين او ثلاث حتشوفو الفرق والله هدي الطريقه اللي معتمدتها لولدي الله يجزي ميمتي خير هي اللي عطتني هالمعلومه.
يلا قولي وش هي المعلومه ياكثر ثرثرتك
شوفي هالشي موجود في كل بيت وهو النشا اهيه النشا حق الطعام اللي يجي في علبه صفرا طويله من كرتون ومرسوم عليها ذره اعتقد الجميع عرفه
الطريقه لمن تجي تغيري لولدك الحفاضه بعد ماتنضفيه قبل ماتسكرين الحفاضه حطي على عورته ومحل الالتهاب نشا وقفلي الحفاضه والله حتحسي بالفرق وانا اخذت علبه بودرة جونسون وفضيتها وعبيتها نشا حتى صرت اقدر اخذ العلبه معي في الشنطه ومحد يدري ان اللي في العلبه نشا موبودره وي تعبت من الكتابه الجوال يتعب يتهيألي كفيت ووفيت في الشرح