زوجي وموضوع الحمل اعطوني رايكم لو سمحتوا

السلام عليكم 
بدخل بالموضوع على طول 
انا متزوجه لي سنتين 
وحملت بعد 7 شهور من زواجي 
وكان حملي صعب صعب لدرجه لاتطاق 
الوحم ذبحني ماكنت انام كنت صاحيه ليل الله ونهاره 
وفوقها عندي دراسه جامعيه واطلع 6 وارجع 2 
ووحم كله كان استفراغ ماكنت اكل ولا اشرب 
لااخذ فيتامين ولاحبوب غثيان ولاحمض فوليك 
ولا اي شي بمجرد ماابلعها ارجعها فتعقدت من كل شي 
وصارت لي ولاده مبكره وشفت الموت وقتها ونفسيتي بعدها تعبت 
بس تماسكت وكملت الترم ونجحت بموادي بعد الدف الحمدلله 
واللحين صارلي 6 شهور من وقت ماولدت وطبعا طفلي طلع حي بس بعدين توفى على طول ماعاش لانه صغير مايقدر يتنفس وكان ب 5 شهور والى الان احن له واحزن عليه عشان ماقدر يتنفس اذا تذكرت ابكي  بس الحمدلله على كل حال الله يجعله شفيع لي ولابوه واهلنا يارب 
واللحين المشكله زوجي ادوشني يقولي احملي ابي نونو يقوا انا كبير واصغر مني عندهم عيال زوجي عمره 31 بس هو تزوج متاخر يعني هنا المشكله بس وش اسوي انا مو مشكله احمل بس حملي تعب ويبي له راحه وولادتي الاوله بسب المشي والاجهاد فتح رحمي 6 سم على طول في يوم واحد بسبب المشي والنزله والطلعه مع الدراسه واللحين هومصر على رايه ويقول لي اتركي الحبوب من هالشهر اش اسوي وش تنصحوني فيه محتاره واخاف تتكررالتجربه والسنه هذي اخر سنه لي 
ادعولي ربي يوفقني واتخرج هالسنه على خير 
وكمان ربي يعوضني بحمل سليم تام