الا ام ولا اب ولا اخ ولا زوج

السلام عليكم ورحمة الله وبركاته 
تحملني يابنات حواء  كتبت مشكلتي قبل كدا ادخلني ملفي شوفوها ماعرف احط رابط 
المهم انا ببيتي وصابره قربت من زوجي ودلعتها كلام وافعال بس مطنش ومو معتبرنا لنا وجود 
ياخذ جواله ويجلس برا عند باب العماره مايدخل حتى الظهر بعز الشمس 
وكتبت مشكلتي اني عملت لي حساب وكلمته ع اساس بنت وحبني ووافق يقابلني بموعد وبفلوس يقضي معي ليله ج **** 
واعطاني رقم غير رقمه اللي اعرفه 
ولما تقرفت من كلامه وجاتني الضيقه حذفت حسابي وصورت المحادثات وارسلتها له وقلت ليش تخوني مع صاحبتي هي ارسلت لي  تبغا تخرب بيتي ولما طلب اسمها قلت مو لازم تبغا تروح لها بالبيت وحلف لي كدب وقالي الرقم مو لي وطلعه بنمبر بوك باسم مو اسمه 
طبعا الرقم هدا طلعه خصيصا لها ويحسبني مغفله وقالي هدي تخرب بيتك ابعدي عنها 
وطبعا طلع البري حسبي الله وانا متاكده  
وقالي شوفي  هي تقدر تحتل شخصيات ترا سهله ويكلمني ع اساس اني هبله مافهم وقلت بينك وبين الله 
ماراح اسامحك ادا صح كلمتها 
وانا مشيتها لاني لو اقول انا يقتلني ويشك في 
بس احس بنار بصدري ان  وصلت فيه يقابل ويعطي فلوس وانا حارمني وهاجرني بالاشهر 
مع اني حلاله ومامدح نفسي والله نظيفه ومهتمه بنفسي 
لاتقولن انتن جبتي لنفسك زوجي قاهرني ابعرف ايش وراه هاجرني وطلع شكي بمحله وكمان جواله فيه مقاطع اباحيه فاك الحجب بس ساكته له تعبت من المشاكل 
ارجعن لموضوعي بملفي 
بنات كيف اعيش مع رجال كدا والله تعبت يخاف ع جواله مني وبالحمام معه  
ويفقده بسرعه وهو بجنبه 
غصب اشك وشايفه بس ساكته وهدا اللي قاهرني  تجاهلته واعتبرته مو موجود يقولي ادا زعلانه ماده بوزكي روحي لامك 
قلت انشغل عنه بشغلي وبالجوال وما اكلمه يقولي مو طرطور عندك 
ادا قربت منه ولبست له وتدلعت يقولي الشغله يقصد الجماع مو ع كيف الرجال هي رغبه ونفسيه 
طيب ماطلبت البس لنفسي بس هو يفهم كدا 
انصحوني يابنات تعبت من الهجر والخيانه ومشاكلي ماعندي احد اشكي له بعد الله 
انصحوني اتقبل كل الاراء 
بس قبل شوفوا موضوعي الاول 
نسيت لاقولكم انا من النوع الطيب وحساسه زياده عن الازم يعني لو زوجي عمل لي شي حلو اجلس امدحه وابتسم وانبسط  وطول يومي مبسوطه لاني عشت بمشاكل 
لعشان كدا استغرب لما يصدر منه شي حلو ماقصد كلام او هدايا 
لا اقصد لما يجي ويكلمني عن عمله عن اهله انبسط  لانه ع الصامت وانا صفر ع الشمال بالنسبه له 
انصحوني الا بالطلاق