لك اجر وراح ادعي لك

السلام علييــكم ورحمة الله وبركآته..

إشتقت لكم كثير يآ حوآئيآت أخبآركم؟!

بحكي لكم قصتي ..وأتمنى الرد من تجآربكم ونصآئحكم لاتحرموني منهآ..

أنآ متزوجه وعمري 21 المشكله انـي مو عآرفه كيف هي الحيآه الزوجيه ولا أيش المسؤليآت؟
اوحتى طريقة تعآملي مع زوجي ولا أي شيء
احياناً احس انـي تآفهه وأحيآنآً احس انـي فآهمه الحياه..

ابغى اعرف كيف اتعامل مع زوجي والزواج عموما
مدري ليش اشعر انـي محطمه ؟
زوجي دايماً يقول لي انتي صغيره وعقلك صغير

مع انـي ورب البيت كنت قبل الزواج الكل يقول عني ان عقلي اكبر من عمري وكنت انسآنه واثقه من نفسي
لكن من بعد الزواج تغيرت صرت محطمه كل حاجه اسويها ابغى رضاه فيها لكن مع ذلك يقول انتي ماقدمتي لي شيء

من بعد الزواج اكتشفت وللأمانه عندي عيوب وحابه اتخلص منها ويمكن هي سبب مشاكلي مع زوجي لكن ساعدوني ابغى امهات ومربيات اجيال يردون علي انا بحاجه لكم لأنـي يتيمة الوالدين ومو لاقيه احد يوجهني بضمير
عيوبي :
عصبيه عنيده لا مباليه بارده بمشاعري كسوله وعندي التسويف بكل شيء

اعرف ان الزوج يبغى زوجه ماهره بالطبخ وماهره بالتأنق والتكشخ عنده لكن انا فاشله بهذا الشي
تكفون اعتبروني بنت من بناتكم وطايحه في هالمشكله ردوا علي ورب البيت تعبانه ابغى حياة مثل ما أسمع واشوف من حياة اللي حولنا
وجزاكم الله خير