وش تتوقعون لقيت أنا واختي مع شغالت اهلي الاندونيسيه؟؟

السلام عليكم ورحمة الله وبركاته
في البدايه حبيت اصبح عليكم بالخير .. واقولكم موقف مع احدى شغالات اهلي القديمات
موقف فضيع ما أنساه طول عمري وبسبته بكت اختي قدام الشغاله ...
مره من المرات ياطويلات العمر اهلي جابو شغاله اندونيسيه وكان لها فتره شهور يعني ماكملت سنه عندهم واهلي من النوع اللي مااايقصرون عليهن بشي خاصتا الاكل .. والله حتى الاندومي يجيبون كرتون كامل خاص للشغاله والملابس توصي امي باللي تبي وتجيب لها
المهم مره كنت انا واختي سهرانات وشغالت اهلي حدها الساعه 1 بالليل وتنام .. كانت اختي مادري وش تدور نسيت المهم قمت ادور انا وياها .. قالت خايفه اروح فوق لحالي تعالي معي المهم رحنا وفتحنا الباب لا احم ولادستور انا واختي على غرفة الشغاله .. عادي اساسا غرفت جلوس كنا بعض المرات نحجر البزارين فيها
المهم يوم دخلنا الا الشغاله كانت موجوده وعلى بالنا بالحمام تتروش كالعاده ويوم شافتها الا ترتبك ووجهها يصير طماااط وتخبي شي ورا ضهرها ...... انا واختي طارت عيونا اكيد معها شي .. يا اما جوال يا اما شين تسايد
قلنا فلانه وشفيك .. قالت مافي شي .. قلنا ورينا وشو معاك والا تقعد تزحف وتخبيه وهي مرتبكه
وتطير عيوننا ازوود ..... قلنا لااااا الموضوع خطير والله واجيكم واقرب منها اقول عطيني والا اخذته غصب والا تقاومني ..انا هنا سحبتها بقووه مع ايدها وهي متمسكه ومتشبصه بالارض بقوه وتجي اختي وتسحبها معي ومعاك حنا وياها والشغاله دموعها طلعت ....واااخر شي بعد جهد وجهيد تتوقعون وش طلع؟؟؟؟
































































































طلعت خبزه
والله يابنات ماقولكم وش صارلي حزتها احس اني ولاشي واختي قعدت تبكي وطلعت بسرعه .. واقعد احاكيها ليش تخبين الخبزه كذا .. في احد مانعك تاكلين عادي ماما وبابا يزعلون لو ماتاكلين
موقف ما انساه ابد ابد ابد لدرجة علمنا ابوي وامي وصار ابوي داخل طالع جايب لها اغراض حتى الببسي والككاوات
ياقلبي ابوي رحمها الله يخليه لنا ويطول بعمره
بنات انا للحين ضميري يعذبني حتى يوم جت تسافر تحللت منها عشرين مره .... مادري وش السبب الي دفعها تسوي كذا انا متأكده مليون بالميه اهلي ماقصرو معها ابد .. بس انا واختي وامي قلنا يمكن علشان حياتهم صعبه والاكل عندهم صعب تحصيله .. يحسون ان بهالشي :44: