سوق االمعيقلية وسوق السويلم سوق وشيقير وسوق التعمير

نسيت اقول لكم سوق الحجاب شوق حريم والا ايش
لان وحدة ذكرت ان اشتري منهم عباية
وهل عباياتهم فعلا زينه

المعيقليه معروفه بالعود والبخور الزين وادوات التجميل والعطورات الجمله والسويلم مشهور بادوات ومواعيين المطبخ والالعاب وادوات التجميل بعد اشيقر معروف بوجود الشيخ ابا الخيل للعطاره والتعمير الظاهر نقلو البطحاء بعد ماحترقت للتعمير يعني جملة
اسواق حجاب كبيرهوفيها قسم مسكر للحريم يبيعون الجلابيات والبراقع ومادري عن عبايتهم من زماااان عنه

سوق السويلم هو اصلا شارع السويلم تلاقين محلات جمب بعض واغلبها عطورات والعاب وبالجمله اذا بغيتي وسوق التعمير قدام سوق اشيقر واشيقر فيه محلات عطورات ومكياجات وادوات تنظيف وملابس سوق متكامل مفرق وجمله

فيه فرق حجاب بشرق الرياض وهو شعبي مفتوح يعني تقدرين تمشين بالسياره بينهم
وفبه سوق نسائي مغلق يبيعون فيه البراقع والجلابيات وأحيانا بضاعه من الكويت
بس ماأشوف فيه ميزه ومرتاديه يحبونه
وهو نفس البضاعه اللي بالأسواق الشعبيه
أوشيقر أغلبه عطارين وفيه أدوات مكتبيه جمله ومفرق
وفيه فوق ملابس نسائيه ومفارش ومحلات الحلويات
جمله مفرق
المعيقليه جنب أوشيقر
وفيه قسم كامل للعود والعطور
يعني أي محل للعود يخطر ببالك موجود بالمعيقليه جمله ومفرق
وفيه ملابس نسائيه وفيه الذهب فوق وفيه محلات عبي
وفيه أفضل محلات العسل
التعمير قدام أوشيقر وأنقلوا له محلات البطحاء اللي أحترقت
يعني ملابس وتوابعها بالجمله
وفيها محلات ذهب
السويلم وهو شارع وليس سوق
فيه محلات العطور الماركه يبيعونها بسعر أقل من وجوه ودبنهامز وهارفي وباقي المحلات
وهي محلات كثيره أذكر منها مي
المصباح
مكي
بس سمعت من بعض البنات ماتثبت
وعندهم المكياج
وجنبها محلات الأطفال
وفيه كل شي بسعر أقل من السوق
وفرررق كبير عن السوق
كل هالأسواق بجنب بعض بمنطقة قصر الحكم
بالعكس المنطقه حلو التسوق فيها وتقدرين تنتقلين بين
أوشيقر والمعيقليه والتعمير مشي قريبه من بعض
والسويلم جنبها مشوار خمس دقايق بالسياره
أتمنى أفدتك

رفع ....