أم الذرابة

أم الذرابة @am_althrab

كبيرة محررات

الخبزه الجنوبيه من إيدين بحرينيه من أم الذرابة ..بالصور..

المعجنات والمخبوزات والسندويتشات





ماشاء الله ... لاقوة الابالله
أذكروووا الله

شخباركم ياحوائيات عالمنا اتمنى تكونون بخير وصحه وسعاده
ويرزق كل وحده ماتتمنى
اللي تتمنى ضنى ربي يعطيها
اللي تتمنى الزوج ربي يرزقها عاجل غير اجل
اللي تتمنى الصحه ربي يشفيها
اللي تتمنى الستر ربي يستر عليها
اللي تتمنى الصلاح والعفاف والسعاده ربي يعطيها
اكيد كل هذي الأشياء نتمناها الله يرزقنا جميعا

طولت عليكم من زمان أسوي هذي الخبزه معلمتني اياها نسيبتنا الله يعطيها العافيه
ونحب ناكلها مع الجبن والعسل وزوج بنتي يحبها ويحب يغمسها بشاي الحليب
ومن سجلت بالمنتدى وانا اشوف البنات يسونها ويقولون عنها الخبزه الجنوبيه
عاد أنا قلت خليني اوريهم طريقتي أدري أكيد غير عشانها من يد بحرينيه
تفضلوا سموووووووووووووا

المقادير

6 كاسات طحين بر
3 بيضات
بياله زيت
ملعقه طعام خميره فوريه
فنجان سكر
ملعقه طعام ملح
ملعقه طعام الحبه السوده
3 كاسات ماي
حليب سائل للوجه ورشه سمسم وحبه سوده
عسل

الطريقة

نحط كل المقادير بالعجانه ماعدا الماي الله يبارك في اللي صنع العجانات



نخلطهم ونضيف عليهم الماي بالتدريج



تابعوا معاي الصور تشرح لكم الطريقه






نصبها بصينيه مدهونه ونتركها ترتاح وتتخمر لمده ساعه ونص الى ساعه



وهذي شكلها بعد ماتخمرت شوفوا اشلون تضاعف حجمها



اصب عليها حليب بوني السائل او اي حليب تفضلينه ونرشها بالحبه السوده والسمسم وندخلها الفرن كنا سخناه من قبل



ونتركها لغايه ماتنضج ونحمرها من فوق
459
119K

يلزم عليك تسجيل الدخول أولًا لكتابة تعليق.

تسجيل دخول

أم الذرابة
أم الذرابة




ونمسح الوجه بالعسل















اترك التعليق لكم ....



جربوها حدها لذيذه بليالي البرد



وهذي بالعسل تبارك الله تينن



بنات لاتنسوني من دعواتكم

amsaud
amsaud
وااااااااااااو ما دام انا اول وحده ترد تكفين ابغا قطعه.................
الله يغفر لك ولوالديك وللمسلمين اجمعين ..
sweetgirl2005
sweetgirl2005
روووعة ماشاء الله

تسلم الايادي والله يعطيك العافية
العين تدمع لاجلكم
الله يغفر لك ولوالديك وجميع المسلمين تهبل وبغيت أسئلك عن العجانه من وين تنصحيني اشتريها واي نوع بارك الله فيك
ام رهف111
ام رهف111
ماشاء الله تبارك الله فعلا مبدعه الله يعطيك العافيه