اذا حابه انا عندي مخلل روعه
شهادتي مجروحه طبعا لكن بشهادة الكل
والدليل خير برهان ذوقي واحكمي
شهادتي مجروحه طبعا لكن بشهادة الكل
والدليل خير برهان ذوقي واحكمي
الصفحة الأخيرة
و مرة حبيت اني اتهور و اسويه بطريقتي و انا كنت اطبخه و يطلع روعة روعة روعة مو زي حق السوق و جربيه و ما تندمي هوا ياخذ منك وقت لكن يستاهل التجربة
و انا ما عندي مقادير ثابتة يعني على ذوقك اللي تبغي تزيدي منه و الا تبغي تلغيه براحتك
بس انا احطلك بالتقريب
المكونات
4 فصوص ثوم مدقوق
مخلل ليمون جاهز حبتين
امبة حسب الرغبة في الكمية
1بطاطس
1جزر
1فلفل رومي
ربع كرنب
قليل فاصولياخضراء
1كوسة
حبة سوده
كزبرة ناشفة(حبات و مطحون)
قليل حلبة مطحونة
فلفل حار حسب الرغبة
كمون مطحون و بحباته
خردل بحباته
زيت زيتون يمكن كوب
الطريقة
تحمي الزيت بس مو مرة حار و تحطي الثوم المدقوق و تقلبيه ثواني و تضيفي عليه الفاصوليا و البطاطس و تقلبيهم شوية و بعدين تحطي باقي الخضار و تخففي النار عليهم و اطحني الامبة و الفلفل و المخلل الليمون و ضيفيه عليهم و خليه الين يتسبك على نار خفيفة و ذوقي ملحه و حموضته و انتي تتحكمي فيهم زي ما تبغي و اذا استوى خليه لحد ما يبرد و بعدين حطيه في قوارير و صبي فوقه شوية زيت زيتون عشان لا يخرب بس اهم شي ما تغطيه الا و هو بارد
و زبطي الشاهي و عبي التميس و الجبن و اغرفي الاشار الرهيب و استمتعي و اادعيلي بالذرية اذا عجبك يا عسل