استغفر الله العظيم واتوب اليه
استغفر الله العظيم واتوب اليه
لا اله الا الله -- ولا حول ولا قوة الا بالله
السلام عليكم ورحمة الله وبركاته -- حبايب
اليوم جبتلكم مفطح حمام وانا حبيت اسميه كذا من عندي
راح اشرح على الصور انتوا بس وسعوا صدوركم شوي و تابعوني واستمتعوا :
بسم الله نبدا :
1- البصل -- قطعيه جوانح وكثريه قدر المستطاع لانه من اسرار الطعم اللذيذ الشي الثاني مرق الحمام راح يقدم مع الحمام
2- طبعا -- كشني البصل لين يذبل بالحيل
3- كملي --- الكشنه لين يميل للاحتراق لكن انتبهي يميل فقط يعني يكون لونه كذا
4- اضيفي -- الحمام
5- اضيفي -- عليه رشه حلب وهو بعد من اسرار الطعم اللذيذ وحركيه بالبصل
6- اتركيه --- تقريبا نص ساعه من دون اضافة الماء ولا قطره ماء وشوفي بالصوره كيف طلع الحمام الماء اللي هو المرق اللذيذ
7- وطبعا -- بعد ما طلع الماء نضيف له البهارات - فلفل اسود- ملح واللي تبين واتركيه على النار تقريبا ساعه ونص واذا بالقدر الكاتم يكفيه ساعة الا ربع
8- طبعا ما يحلو الحمام من دون الرز وانا هنا مسويه رز ومن فوقة الكشنه طبعا وعلى الاطراف مكرونه
8- وفي الاخير --صفي الحمام فوق الرز وانا هنا حطيت بالوسط معه دجاج للي ما يحب الحمام
9- وشي مهم انك بعد ما تشيلين الحمام من القدر طبعا راح يكون فيه مرق الحمام وزعيه بصحون صغيره وقدميه مع الحمام وللاسف الشديد ما صورت النقطه هذي
وبالعافيه على قلوبكم
ولا تنسوني من صالح دعائكم وخصوني بالهداية للاعمال الصالحه وصلاح النية والذرية
مع السلامة
يعطيك الف الف عافيه