اقولك شي طنشششششششششششششششششششي زوجك ولا تبينين انك مقهوره وغيرانه ولا تلمسين تلفونه ابدا ابدا واذا جاب طاريهم اذكريهم بالخير او اسمعي وبس بدون تعليق صدقيني هو بيملهم بالاخير مشكله الرجال لما يتزوج يعيش مثل الصراع اهله او زوجته هو يبغي يجمع الاثنين ولما يحس ان طرف ممكن يغار من الثاني او يحاول يتملكه او يبين الثاني انه طرف متملق او مافيه خير على طووووووووووول يميل للطرف الثاني وهذا كثير نشوفه لما تصير مشاكل بين الزوجه والاهل حتى لو الاهل غلطانين ينحاز لهم عشان مايخسرهم ولا ينقمون عليه والزوجه هو عارف انها راح تستحمل وتحبه ووو وساعات لما يصير زعل بين الطرفين يحصل العكس ينحاز للزوجه اذا حس انهم يبون يتخلصون منها وكذا يعني

انا بقولك شي سوي مثل ماقلت لك من فترة كانت لي مشاكل اعوذ بالله منها مع اهل زوجي ورغم انه يبصم بالعشره انهم هم اللي غلطانين الا انه من يشوفهم او يتصلون فيه كانهم ماسوو شي !!! سكت وطنشت وقلت حسبي الله ونعم الوكيل والله يا اختي انه هو مل منهم وبنفس الوقت بانو على حقيقتهم سواء اخوانه او خواته او حتى امه !!! تخيلي انه حتى اتصال لو يغيب اسبوع واكثر مايزورهم ولا يتصل وهم يعرفون انه مسافر او اي شي يصير له والله يا اختي محد يكلف على نفسه يتصل فيه !!! وبعد سكت كنت مااجيب سيرتهم ابدا ولما هو يبدا يتكلم اقوله معليه استحمل مهما كان هذولا اهلك وصار يخاف على زعلي وحتى لما هدا الموضوع وحبو يرجعون مثل قبل والله انه احيانا يقعدني جنبه من نوصل عندهم ويقولي شربي قهوتك واسكتي وخلي كل شي علي لو حد غلط عليك او قالك شي خليه علي انا بسنعه !!!

هذا حلي لك قولي حسبي الله ونعم الوكيل وادعي ليل نهار وطنشي على الاخير ترا مب بعيده انه يقولهم انك تغارين وتتضايقين من اتصالاتهم عشان كذا هم يزيدون ولما يروح لهم انتي بعد روحي لاهلك او صديقاتك او حتى الهي نفسك باي شي وسوي نفسك مشغووووووووووووله على الاخير او حتى ارفعي السماعه واضحكي من قلبك وخلي نفسك مستانسه وتتكلمين بالتلفون او بالفعل كلمي اختك او وحده من صديقاتك واضحكي وياها وخصوصا على دخلته وشوفي كيف بيجيك رككككككككض وبيطنشهم

ترا اذا حسيتي في خربطه بكلامي لاني اكتب وكل شوي حد يدخل علي يعني اكتب وانا مستعجله ولا راجعت كلامي
الله يسخر لك زوجك ويلهيهم بانفسهم يارب

بصراحة انت مافهمتينا الموضوع كويس
يعني ماذكرت شو نوع المصلحة اللي بدهم اياها من زوجك . ومااتكلمت عن شخصية زوجك كيف ؟
الله يسخره لك
يمكن لو افهمنا ليش بيتصلو الساعة 5 الفجر ممكن نساعدك
شو سبب كثرة الاتصالات بهالشكل؟
فهميني كمان انت عارفة ليش هما بيتصلوا ؟ وهيك كانو من زمان؟
راح ارجع للموضوع ويمكن اساعدك
ولكن من الان استغفري بنية انو ربنا يسخره الك ولازم كل يووووم تستغفري وربنا اكيييييد رااح يفرجها عليك ان شاءالله

رعبوب

كلمك ينطبق على نفس حالتي وانشاء الله بجرب التطنيش ويارب يجب فايدة

غدير شاهين
زوجي شخصيته نوعنا ما ضعيفة ويحب المجاملات درجة اولى وبالنسبة للاتصالات والله وين ليش ماتجينا ومن هالكلام

والله العظيم نفس مشكلتي يانسرين...

ذبحني الله ينتقم منه...

عندي يقلب وجهه ويكشر ويتخاصم ويرفع صوته...

وعندهم تتطلع خفة الدم والذووووق...

ويحرجني امامهم ولا عنده ذوق...

اقوله تبي شاهي...

يقول دام فلانة مؤجودة((يقصد بنت اخته))

اكيد .......ابي اشربه معاها...

وهم يقولوا له قصدك مع زوجتك وبعدين معاها...

تخيلي ينبهوه لاخطائه.........

بس ربي يأخذ لي حقي منه..........

حطمني حسبي الله عليه

الله يهديه ويسخره لتس