طبعا لمن شفت اني ماني قادرة امشي والدكتورة ملزمة على المشي علشان يفتح الرحم بديت افكر في حل سريع مع اني والله ماني مريحة نفسي يعني اشتغل في البيت واتحرك لكن هي تبغي مشي يعني مشي ..المهم بصراحة ألحت علي فكرة استخدام الخروع خاصة ولي سوابق معاه في ولاداتي السابقة ..وكان استخدامي له من أول ولادة بأمر من طبيبتي ..
وهذه الفائدة الثانية:

تقبل الناس والأجسام للأشياء مختلف ...اللي يناسب فلانة من الناس ممكن ما يناسب غيرها وممكن يضر غيرهم ..وانا بحكم تجربتي السابقة للخروع في 3 ولادات فكرت استخدمه هذه الولادة لعل الله يجعله سبب في فتح الرحم عندي ..ومع ذلك لمن بحثت وقرأت عنه خفت استخدمه لكن استخرت الله ودعيت وتوكلت على الله وأخذته وقت صلاة العشاء وبدأمعاي مفعوله آخر الليل وجاتني آلام الطلق الفجر لكن طبعا ما اهتميت لها لأني من دخلت التاسع وانا أطلق وطلق منتظم أحيانا ويقولون لي الرحم مسكر ..لمن جا يروح زوجي الدوام الصباح قلت له ان عندي آلام قال لي على راحتك تبغينا نروح الحين طوارئ رحنا تبغين تنتظرين لين يجي موعدك (كان عندي موعد الساعة 3) انتظرنا ..قلت له لا خلاص روح وارجع لي على الموعد ولو تطور معي شي كلمتك.
راح زوجي وجات الساعة عشرة ونص تقريبا والطلق مستمر بنفس القوة ما زاد الا وحسيت كأن عرق او شي انفقع:09: وطبعا اول مرة يجيني هذا الإحساس ..لمن قمت حسيت كن شي نزل معي دخلت الحمام وانتم بكرامة الا والقاها السدادة نزلت لأول مرة في تاريخ ولاداتي وكلمت زوجي وبرضه كنت مترددة اروح ولا لا لأني من خلال معلوماتي ممكن السدادة تنزل بس ما تجي بعدها ولادة على طول ..
قلت لزوجي ايش صار معي بس قلت له انتظر شوي ..بعدها بشويات بدأت تنزل علي الموية :icon28: لمن نزلت فرحت وخفت وتوترت لأني اعرف ما بعدموية الجنين الا الولادة المهم كلمت زوجي وجاني وسويت لي حليب حطيت معاه قرفة وقرنفل وزنجبيل وحليته بعسل ..وخيت معي رطب في السيارة وجلست اشرب وآكل واحنا في طريق المستشفى ولساني ما فتر ولله الحمد عن الاستغفار والدعاء خاصة دعاء الكرب ودخلنا الطوارئ وحطو التخطيط وجات الدكتورة تكشف

وهنا فائدة عن المستشفى :
لا يمكن أحد يمسكك أو يكشف عليك الا الطبيبات حتى القسطرة ما تركبها الا الطبيبة لأن بعض المستشفيات يرمونك للممرضات وكل وحدة تلعب على كيفها والله المستعان.

المهم كشفت الكتورة وانا خايفة من التجربة السابقة وفي نفس الوقت ما ابغى اعطي نفسي امل كبير خاصة الألم ما كان مرة قوي الا وقالت لي ما شاء الله 4 سم خلاص الحين تطلعين فوق ولادة :)

لمن طلعت كشفت ثانية وقالت تقريبا 5 سم بس رجعت لمشكلتي الأزلية وهي الطلق البارد وهذا كان متوقع ..طبعا جات دكتورتي وكشفت وقالت 5سم لكن الجنين عالي شوي وهذا الشي صار معي بولادتي الثالثة قلت لها والحل قالت مع آلام الولادة حينزل قلت لها يا دكتورة انا من الفجر نفس مستوى الألم وما اظنه يزيد وكنت قايلة لها اني ما اولد الا بصناعي ..قالت بنركب صناعي ولو ما نزل الجنين نلجأ لقيصري لكن بنبذل كل جهدنا ..واعطتهم امر يركبون الصناعي الساعة خمسة ونص وبدأ الألم يشتد وبعد المغرب جات دكتورة في قسم التوليد وشافتني أتألم وقاست وتعبتني وتعبتها وقت القياس الا وجابت لي الفاجعة:icon33:قالت من 1-2 سم وقتها خلاص حسيت بقمة الإحباط يعني كانت مشكلتنا في الطلق لمن زاد الطلق تسكر الرحم بعد ما كان 5سم ووقتها حسيت ان لا ملجأ من الله الا اليه

وهذه برضه فائد:

لكن اصريت على زوجي يكلم دكتورتي ويقول لها اذا مافي امل خلاص لا يعذبوني بالطلق لأنه صار قوي مرة خلاص يحولوها قيصري ..لكن زوجي كلم الدكتورة اللي كانت معانا وكانت بصراحة بنت حلال الله يجزاها خير قالت هذا مو بيدنا بيد الله بعدين قلت في نفسي بدل ما تتحول قيصري ليش ما آ خذ الأبيدورال ( ابره الظهر) وقلت لزوجي الحين تطلب لي ابرة الظهر ..وهو كان رافضها أصلا ووافق على مضض بس علشان يرضيني لأني من شدة الألم صرت عصبية واصرخ عليه وعليهم والله نزل ودفع قيمتها ونادوا أخصائي التخدير وقالوا انه في الطريق وحضروا كل عدتهم وأدواتهم وأنا الألم كل ماله يشتد واقول له استعجلوه بسرعة وفي نفس الوقت ما غفلت عن أرحم الراحمين واكرم الأكرمين كنت ادعي وبعدين استخرت في العملية وفي الإبرة وحسيت زوجي حزين مو راضي عن الإبرة بس يجاريني لأننا تكلمنا عنها من اول وقال لي لا .
المهم حبيت اطيب خاطره قلت له لا تقلق ترى والله استخرت فيها وفي العملية وما بيييسر الله الا الخير الا واشعر بذاك ا|لألم الشديد وصرت اصرخ ورميت الكمام قالو نعطيك طيب ابرة وريد مسكنة قلت جيبوا المهم لمن شافتني الدكتورة اشتد الأم قالت اقيس الا وتقول 6 سم وانا اقول نادو حق التخدير وشوي تقيس قالت 7 ونص والله يا أخوات رحمة رب العباد سبحانه ما أرحمه وما أعظمه صار الرحم ينفتح بسرعة عجيبة ما شاء الله لدرجة خافوا ما يمديهم ينادون دكتورتي وشوي 8 وشوي تسعة وفكو السرير من تحت وجات دكتورتي وانا اقول لهم في دفع قالت لي استني شوي قلت ما اقدر يدفع المهم في هذا الوقت خرج زوجي برا وبصراحة الله يجزى دكتورتي فاطمة النمر والدكتورة الثانية اللي كانت معاي قبلها برضه اسمها فاطمة وطاقم التمريض كل خير الكل كان يساعدني باللي يقدر عليه بعد فضل الله وتيسيره وبس كلها ما شاء الله كم دفعة وشرفت جمان ولله الحمد والشكر وحطتها على بطني وبعدين صرت شبه غائبة عن الوعي وحسيت بالخياطة وخروج المشيمة مثل الحلم وبعدها بساعة ودوني غرفتي .والحمد لله حمدا كثيرا طيبا مباركا فيه كما ينبغي لجلال وجهه وعظيم سلطانه .

واذا فيه اخطاء في الكتابة سامحوني ما لحقت اراجع الموضوع

الله يسلمكم ويسعدكم حبيباتي

ماشاء الله الحمدلله على السلامه وتتربى بعز والديها
الف مبروووووك ماجبتي

وعقبالي ياإاإاإاإارب

ياحياااااااااااتي ياشجووورة
سبحاان اللي يسرها لك بهالشهر الفضيل
ألف حمدلله على سلامتك ومبروووك العروسة يالغلااا
تتربى بعزكم جموووون وإخوانها ويرزقكم برهم

عقبااال عندنا ^ـ^

( على فكرة أنا بعدك بيوم مغصني بطني لما دريت إنك ولدتي @ـ@
بس إنتي إستخدمتي محفزات وشربتي خلطاات أنا خايفة أغااامر بصرآحة ) << جباانة خخخخخخخخخخخ

نبض
الله يبارك فيك ويهون عليك وعلى كل التواسع ويرزق كل من تتمنى الذرية والله ما نسيتكم من دعائي وأنا في أشد المواقف من الطلق