زوجي المرح البسوم المساعد لي تغير ،، مدري وش السبب

السلام بنات كيفكم ومبارك عليكم الشهر الفضيل

مدري وش اقول وش ابدأ . زوجي اول كان خدوم ومتعاون وبسوم وصاحب نكته واختراع للنكته

فج
اه تغيير اول ما لاحظت عليه دخل البيت مكتم سلم ومجهزه له الغدا ولا اكل اعتذر لي بوجه بائس وكتوم

استغربت تركت السفره وخليت الاولاد ياكلون ولحقته بالغرفه وهونايم وفاتح عينه قربت منه وسألته وش فيك متغير قال ولا شئ

قلت لا فيه شئ

قال لي ممكن اطلبك طلب

قلت له ابشر

قال اعطيني مقفاك وسكري الباب

تيقنت ان فيه شئ كبير فقلت له ابشر

ورحت مع اني زعلت من هالكلمه ولكن قلت في نفسي لا تزيديني وتكبرين المشكله ان شاء الله يرجع ويعتذر

قام قبل المغرب توضى وتطيب ودهن لحيته وراح للمسجد وجهزت له القهوه والحلى والرطب

ما رجع

دقيت عليه جواله مغلق

ياربي وش فيه هالرجال


رجع بعد صلاة العشاء

دخل عابس الوجه وعيونه حمراء من كثر البكاء

سلم علينا

سلم على بنته وقبلها وحضنها وشفت دمعته نازله على خده

وجاء ولده وقبله وحضنه وناضر فيني شوي وانا منصدمه احس انه مسلسل حزن مو حقيقي

طلع للغرفه

رحت له فووووق وقلت وش فيك سلامات وش مضايقك

قال ولا شئ

قلت له تدري انك غلطت علي اليوم

قال لي وش سويت لك

قلت له اعطيني مقفالك وسكري الباب اول مره اسمعها منك

قال لي ام ماجد

قلت له سم

قال اعذريني

قلتله ولا شئ صاااار عادي بس وش فيك قول لي

قال لي لاتسأليني ارجوك حالتي صعبه الحين


تركته وانا الف سؤال وسؤال يلف براااسي وش فيه وش جرى له وش مغيره علينا ومغير على نفسه


وش جراله مدري ابيكم تعطوني اسلوب او طريقه اقدر اعرف وش فيه طبعا صار له هالشئ قبل رمضان والى الوقت هذا متغير