شوفي حبوبه ممكن تبدأي بشيء بسيط
غريبه معمول .. كوكيز بسكويت مخللات وبيعيها على البقالات
والسوبر ماركات وتكسبي ان شاءالله

بالتوفيق

بالتوفيق

شوفي بما اني عندي شوية خبرة في هذا المجال بعطيك ماعندي من معلومات
بس بالمقـــــــــــــــــــــــــــــــــــــابل

ابي دعوة صادقة بظهر الغيب تسوى عندي اكثر من شيك فيه مليون ريال :biggrin2:

شوفي مشروع الطبخات المنزلية مربحة جدآ جدآ ان شاءالله ..

لكن كل ماعليك هو انك تكوني واثقه من شغلك 100%

وبما انك في البداية يبيلك تفكري تكسبي زبون فقطط
يعني لاتفكرين بالمردود المالي نهااائي

يمكن يتأخر عليك في البداية تطلعي ربح بس مو مشكلة استمري واستمري..

يبيلك اول شيء تخصصين ميزانية معينة لبداية المشروع
وهو مثلا 300 ريال
تجيبي فيها من محلات الجمله المقاضي
ومن محلات البلاستيك الادوات اللي راح تبيعي فيها ..


خلاص سويتي فيها طبخاتك وبعتيها .. فلوسها لاتلمسيهااا
مو تقولي لا بروح السوق بتقضى ...
لا لا عودي نفسك من البداية انه تخصصين صندوق صغير تحطين فيه ارباحك
ومن الارباح راح تتوسعين اكثر واكثر وتشترين مقاضي اكثر ..
وهكذا ...

طبعا حنا شعب اكووول :biggrin2:
بس يشوفون اكل يشترون وهم مغمضين


نجي لكيف طريقة تسويق منتجاتك؟؟؟

انتي ماحددتي لي ايش هي نوعية طبخاتك كان قدرت اوضح لك ...

لكن هي تنقسم لعدة انواع
حلويات
بهارات وقهوة
معجنات
اطباق رئيسية
مفرزنات..

الحلويات سهل تسويقها ..
كل ماعليك هو تتفقي مع سوبرماركت عندكم وانه تسوين حلويات وهو يسوقها لك مقابل كل صحن مثلا له ريالين ولك الباقي
بحيث هو مايخسر شي
اذا انباعت حصل ع ريالين واذا ما انباعت رجعت لك حلوياتك..
لاترضين ياخذ منك اكثر من ريالين انتبهي..

الاطباق الرئسية والمعجنات ..
تحتاجي انك تسوين وتصورينها تصوير احترافي .. لأن العين تاكل قبل الفم..
يعني لازم تجذبين زبائنك من خلال روعة التصوير ..
ولمن تخلصين تحملينها وتعرضينها في المنتديات وترفقين معها اسمك ورقمك
وانسخيها وانشريها بالواتس اب
كثير تجيني رسائل كذا وانشرها .. وتنتشر بسرعة اقوى من المنتديات

مفرزنات تقدرين تنشرينها بالمنديات والواتس اب وتقدرين بعد تسوقينها عن طريق سوبر ماركت نفس طريقة الحلويات ..

وهذي كل السالفة .. بس بقولك سر .. وبنفس الوقت نصيحة ..
بس قربي لاحد يسمع لأنها فعلا فعلا هي سر نجاح اي مشروووع..






قربي لاحد يسمع:biggrin2:







حطي في بالك هذي الكلمات ( قليل مستمر ولا كثير منقطع )

يعني راعي الزبون في اسعارك .. لاتبالغي في اسعارها وكأنك تبعي ع وزراء

في البداية راح تستغربين كيف اخلي اسعاري قليله وبالمقابل هناك من يبيع بأسعار عاليه ..

انتي تميزي خلي منتجاتك في متناول الجميع .. مو لفئة معينه


والسر الثاني .. جملي منتجاتك .. يعني الورق المزخرف ع الصحن يعطي منظر جمالي
التغليف وطريقته ويكون مشدود

لاتنسي الحلويات حطي لها تاريخ انتاج وانتهاء
وكمان المفرزنات .. حتى تكسبي ثقة الناس فيك وكمان البلدية لمن تجي تشيك مايضفون منتجاتك ؟؟

خلي ستيكر ع منتجاتك اطبعيها عند المكتبه مو في خط يدك ..

وحتى تتميزي ابعدي عن ( ام فلان للمفرزنات .. ام فلانة للبهارات ..)

سميها اسماء وكأنها اسم محل ..

مثلآ سويت لاين للحلويات المنزليه < يعني خط الحلا للحلويات المنزليه..

شفتي التخطيط لكل شيء والدقة بتفاصيل الأمو هي من تربحك وتخليك احلا تاجرة وممكن بكرا تصيري صاحبة مصنع حلويات او مفرزنات:icon18:

لاتخلين تفكيرك اهم شيء اجمع قروش وبس

او تجمعين من هنا .. وتفرطي فيها بالسوق من هنا:eek:


واهمشيء وحتى يطرح ربي البركة في منتجاتك ...

لازم تراعين النظافه واكيد مايحتاج اوصيك فيها .. بس صدقيني سوي المنتج وكأنه بتتعشونه انتم راعي كل شيء فيه ..
والله وتالله وبالله ان طبقتي هالشي ان ربي يبارك لك وراح تشوفيها بعينك ولي تجربه في هذا الشيء:cool:


وقبل اقول اخيرآ ...

خلي امورك بالسر .. يعني كم قبضتي وكم ربحتي وكم تبيعي صحن بالاسبوع ..
شي خاص فيك فقططط محد له دخل في هذي الامور

وكمان الطبخه مولازم يعرفون طريقتها ...

واخيرآآآآ..

الله يوفقك يارب ويحقق لك مرادك وكل بنت استفادت من ردي هذا ابيها تدعيلي بظهر الغيب
وتقول للي عندها بعد يدعون لي < ماقولكم احب الدعوة وعندي افضل من شيك بمليون ريال:biggrin2:

الله يسعدك يااعسل من جد نصايحك راااااااااائعه

بيض الله وجهك كفيتي ووفيتي:biggthump