فكره روعة ماشاء الله
بس نصيحة لو تخلينه داخل سوق أفضل
أشوف اللي حواليني إذا صارت طلعة جماعية وتواعدوا مثلا بالسوق
يتمنوا مطعم نسائي وسمعت هالكلام يتردد حواليني أكثر من مرة
والشيء الثاني عليك بالدعاية الجيدة وخصوصا في الأسواق القريبة من المطعم
حتى لو كان مبناه مستقل بيخلصوا تسوق ويجونك إن شاء الله
الثالث خصصي قسم لإستقبال البوفيهات الخارجية وركزي على الدعااااية
والله أعرف لك وحدة فاتحة مطعم الطاقم كامل نسائي ماعدا الإستقبال سوداني
وجايبة عمالة مغربية وحلو طبخهم ماشاء الله وهذا طبعا أهم سر للنجاح والإستمرار
وشيء ثاني مهم نوعية الأكل شفت لك مطعم ببلد عربي مخصص أركان
كل ركن يقدم أكل بلد معين هندي بديكور هندي وصيني بدكور صيني
وإيطالي بديكور مودرن ولبناني بديكور شامي
قصدي ديكور الجلسات كان رهيييب وكل ركن عدد الجلسات بسيط
الديكور الجميل للمطعم مهم جدا وتلاحظين دايما نسأل كيف جلساتهم
وفي الزحمة لاتدققين دخليهم وبس
بس ما كلنا فيه لأنه كان موسيقى صاخبة الله يهديهم
وممكن تسوين بعض الجلسات كنب وتخليها للكوفي والعصير
أحس وقت العصر والمغرب كثير صديقات يتواعدون في المقاهي
إستغلي هالنقطة وخليهم يلقون عندك مكان هادي وخاص بالنساء
وأيضا لاتنسين تتصدقين ببقايا الطعام منها تاخذين أجر ولاتنكب النعمة
علمي العاملات يرتبونها في صحون وشوفي لك بيوت محتاجة وعوديهم تعشينهم مثلا
أو عمال المحطات اللي تفتح ٢٤ساعة يفرحون بالأكل مرة
والله يوفقك ويرزقك ويبارك لك

خليه --للمناسبات والحفلات---على حسب الطلبيه تسوينه --

ياقلبي -اذا بغيتي مساعده انا حاضره لاني طباخه ودي افتح مطعم للمناسبات ما معي سيوله

اطبخي في بيت والحمدلله ---الله يوفقك ويسهل امرك---

دعواتنا لك بالتوفيق والبركه

انا عجبتني فكرة مشروعك فكرة جديده لا تسوين شي تقليدي الناس تحب الشي الجديد والغريب
فاول سنه كثفي الدعايات لمشروعك وحطيها بكل مكان وثاني سنه بتبداء صدق تجيك الارباح
فلا تشوفينك السنه الاولى مانجحتي تقولين لا خلاص معاد بنجح وبسكر
وانتي تفنني بالتقديم وبالطاولات والمكان خليه مرتب ونظيف وديكورات ناعمه لان الفئه الي بتجيك هم من الحريم يعني يبون يشوفون شي حلو ونظيف
الله يوفقك بمشروعك