ممكن تساعدوني متى اصلح اشعة الصبغة بالضبط و ايش المستشفيات اللي تصلحها بالمدينه

دووودا :

انا دكتورتي قالت الصبغه تتعمل في اليوم العاشر من الدورة رحت صايمه وطلبت مني اخذ حبتين مسكن لانو الرحم يسير فيه انقباضات وانا حقول الكلام ذا مو عشان اخوفك او اوترك لكن للتنبيه واخذ الحيطه بالنسبه ليا العمليه كانت مؤلمه جدا جدا جدا لدرجه دخت وسرت مااشوف,, مااعرف ليش بس يمكن بسبب التكيسات!! لان البعض حسب ماقريت قالو انو المها خفيف ولا يذكر صح استمرت العمليه ٥ دقائق لكن كانت بالنسبه ليا ساعه اخدت قبل الاشعه بساعه بروفين قوة ٦٠٠ حبتين العمليه يتم خلالها ادخل الكاثتر اللي هو شي زي الانبوب رفيع وهو اللي يضخ الصبغه ماحتحسي بشي الين يتم ضخ الصبغه وهنا يبدا الالم المبرح التصوير اخذ مدة ٥ دقائق اول ماوقفت ضخ الصبغه راح الالم وبقي شي خفيف ثاني يوم ماحسيت بشي مره بس نزل دم اول وثاني يوم بغض النظر عن المها, العمليه ذي الحلو فيها انها تنشط الرحم لمدة ثلاث شهور قدام وكمان غالبا تفك الانسدادات ان وجدت والله يوفقك ويرزقك الخلف الصالح عاجلا غير اجل انتي وانا وجميع المحرومات يااااارب

انا دكتورتي قالت الصبغه تتعمل في اليوم العاشر من الدورة رحت صايمه وطلبت مني اخذ حبتين مسكن لانو...

Galaxyksa :

انا ياحبيبتي سويتها مرتين وفي المره الاولى كانت يمستشفى شركة الزيت ارامكو وكانت عادي جداً وماحسيت بشي بالعكس كنت متابعه مع الدكتوره في الشاشه وقالو عندي رحم قرنين وجلست اتابع معاهم الين انتهى عقد شغل زوجي مع نفس المستشفى واتلفو الملفات بعدين رحت مستشفى عسكري وقالو سوي صبغه اتوقع سويتها اليوم 12 من الدوره وكنت صايمه  بس يد الدكتوره كانت عنيفه وتألمت الم بوقتها واول ماقمت راح كل شي والحين جيت بسوي تلقيح قالو جيبي الصبغه  في سي دي من العسكري رحت للعسكري قالو الملفات القديمه راحت مع النظام القديم  قلت والحل قالو عيديها  رفضت اعيدها واقترح دكتوري اسوي منظار رحمي  ببنج كامل ويعطي نتايج افضل من الصبغه والحمد لله سريتها هالشهر وكل شي تمام دامك في المدينه اتوقع مستشفى الولاده يسونها والعسكري برضو او مستشفى قوات الامن اذا زوجك عسكري يسونها وبلاش بس اتوقع مواعيد   واذا تبغي خاص عندك الدار عند الدكتوره نجوى دكتوره ممتازه بس قبل تدفعي للدخول للدكتوره اسئلي الرسبشن اذا عندهم اشعة صبغه واذا تقدري خذي لك نسخه احتياطيه وحده لك وحده للاحمدي عشان اذا طلبوها منك مستشفى ثاني انتي استخيري وان شا الله تتسهل هذا اللي اقدر افيدك فيه والله يرزقنا وياك بالذريه الصالحه

انا ياحبيبتي سويتها مرتين وفي المره الاولى كانت يمستشفى شركة الزيت ارامكو وكانت عادي جداً...