لعيون الاخت فقيرره علاج الفقره والسدد

السلام عليكم ورحمة الله وبركاته

خواتي اشوف بعظكم يسال عن علاج الفقره وانا والله العظيم ااني استخدمت العلاج هذا ومرت خالي استخدمته وكل اللي اعرفهم تاخر حملهم استخدموه وياربي لك الحمد ما حد شكا منه وعلى فكره انا جدتي طبيبة نساء شعبيه وانا اخذت العلاج منها واكثر طبها اخذته عنها الله يشفيها
اولا وش الفقره
هي عباره عن كتلة دم متجمده عند عنق الرحم تمنع دخول البويضه الملقحه داخل الرحم

اسبابها

عدم الاهتمام بالنفس اثناء الدوره اشهريه يعني ماتدفين نفسك تمشين حافيه على السيراميك تاكلين اسكريم تشربين بارد او غازيات وفيه سبب يمكن اول مره تعرفونه ان اللي ماتاكل ماده دهنيه اثناء الدوره معرضه للفقره يعني سمن او زبده اوحتى زيت زيتون لاااااااااازم خلي فطورك فيه سمن او اعجني التمر بالسمنه مع الرشاد عجيبه صراحه لاتقولين رجييم

العلاج
اولا سالتكم بالله اللي يظبط معها تدعي لي واللي ماينفعها لاتدعي علي والله والله والله ان العلاج مجرب وما منه خوف بس التزمي بالكميه ولا يكون وحده عندها ظغط والا سكر تكثر منه

المطلوب فقع - سمن غنم - عنزروت


تجيبن الفقع وتطبخينه بمويه حلوه مدة نص ساعه او ساعه عادي وتصفين الماء زين بكوب زجاج تحطين ملعقة سمن والعنزروت تحطين شوي ممكن بين اصبعينك وتذرينه على الكوب وتخلطينه زين وتشربينه على الريق اول وثاني وثالث ايام الدوره بس من تشربينه خليك قريبه عل دورة المياه اكرمكم الله لان ممكن تنزل على طول


وحده شربت العلاج هذا ونزلت منها الفقره على شكلها تحلف جارتها تقول اظربها بساطور ه ماهي راضيه تتكسر



اي سؤال انا حاضره وان اصبت فمن الله ان اخطات فمن نفسي ومن الشيطان دعواتكم