ابغى اهتم ببشرتي و ماني عارفة ايش الكريمات اللي تحتاجها

السلام عليكم و رحمة الله و بركاته

اولا المقدمة

ماني من النوع اللي يخصص و يستعمل

كريمات محددة لوجهي المرطب العادي

مكفيني
بس مواضيع البنات اللي بيهتموا بأنفسهم و

يدلعوا نفسهم شدتني و قلت خليني اهتم انا

كمان
ترا حتى انا حلوة زيهم و مو ناقصني شي

ههههههههههههه

المهم دحين

في كريمات شد بشرة و كريمات الليل و

كريمات النهار و كريمات ضد التجاعيد و غيرو و

غيرو و غيرو و طبعا كل مرحلة في عمرنا

يبغالها كريم معين يعني ما ينفع تستعملي

مضاد التجاعيد و عمرك 20سنة و لا ينفع

تستعملي كريم الليل و النهار و عمرك 12 سنة

و كريمات شد البشرة اكيد مو لعمر ال22 و

ال18 الخ الخ الخ

طيب انا عمري 28 ايش هي الكريمات

المناسبة لعمري؟
شد بشرة و لا تجاعيد و لا تجديد خلايا و لا

ايش؟

الحمد لله بشرتي ما فيها حبوب بس اعاني من

المسامات المفتوحة على جانبي الأنف بس

برضوا ماهي كبيرة و لا مشوهة المنظر الحمد

لله

و ما اعرف بصراحة ايش نوع بشرتي يقولوا انو

اللي فيها مسامات تكون دهنية بس اذا يومين

ما حطيت كريم بشرتي تنشف و تتقشر
يمكن هادا معناتو انو بشرتي مختلطة؟!!

انصحوني يا بنات جزاكم الله خير

اللي جربت شي للبشرة و مرتاحة عليه و

نافعها و شايفة نتايج حلوة زي خلطات او

سيروم او كريم معين يا ريت تقوللي

احيانا اقرا عن كبسولات نضارة يقولوا تنكسر و

تنحط عالوجه قبل المكياج او حتى بدون مكياج

و تعطي البشرة نتيجة حلوة و تبان على طول
يا ريت اللي عندها فكرة عن هادا الموضوع

تقوللي