خذت قرار الأنفصال .. ممكن ارائكم

• السلام عليكم ورحمة الله وبركاته

شلونكم ؟؟ انا دايما كنت اقره ممواضيع هالمنتدىً الرائع عن طريق قوقل وبصراحه هالمنتدى اكثر من رائع بس ماتوقعت اني ممكن بلجأ لكم بيوم من الايام وبسوي حساب علشان اطرح مشكلتي واخذ رايكم


بصراحه مادري من وين ابدي .. انا بنت صغيره عمري 23 سنه تزوجت من شخص تعرفت عليه وحبيته وهو بديره ثانيه اكثر انغلاق من الديره الي عشت فيها ومن حياتي بديرتي ( كل واحد فينا من ديره ثانيه ) ماكنت متصوره اني ممكن اضحي بديرتي وبالحياه الحياه الي كنت عايشتها والحريه مع العلم ان احنه عايله محافظه لكن مقارنتاً بالحياه في ديرته كل شيء راح يتغير من سياقه من غطا وجه وانا ضحيت بهالاشياء عشانه هو .. اهله ناس طيبين واحبهم وايد لكن الضروف اقوى مني واخذت قرار الانفصال وانا احبه بس مالي خيار ثاني
من صفاته الزينه ان حنون وحساس ومايجرح ولزقه فيني وهالشيء زين شين
اول ايام الخطوبه كنت سعيده معاه بس بديت الاحظ عليه تصرفات غريبه العصبيه الزايده .. انطوائيته .. ان مايحب مجالس الرجاجيل ولا قعداتهم وكله لازق فيني وايام الخطوبه سوالي مشاكل مع اهلي لان كان يجي ويقعد عندي فوق الاسبوعين متواصلين وكان ينام معاي وانا كنت انحرج معاه ومع اهلي بالاخص ان اهلي مايبون يتم الادخال قبل الزواج وكان مايفج عني واحياناً انا اتضايق واحس ان احنه مو مخطوبين ولا هذا امر طبيعي .. ولاحظت ان اهو من الناس الي يحطون ادله على كل الاشخاص الي حوله لان فيه عقد وامراض نفسيه ..


مره من المرات طلقني طلقه اولى واحنه مخطوبين ماكان يقصد بس وقعت الطلقه ..


واجهنه مشاكل في فترة الخطوبه لمدة سنه
سبحان الله ربي رزقه وضيفه وقدر ياخذ قروض ونسوي العرس وقبل العزس بسبوعين سبب لي مشاكل واااايد بسبب انه يتدخل بأمور النسوان ومايحترم امي وقبل عرسي بيومين عقب ماتحنيت سبب لي مشكله وضايقني وخلاني اصيح وايد .. وانا قلت لابوي وابوي ناداه وقعدنا وقال تبون الانفصال احنه ليما الحين فيها .. انا طول عمري اتستر عليه فلما اقول لاهلي او توصل لهم معناته في شيء كبير


الطامه الكبرى
في يوم عرسي زعلني وقالي ذلفي بالي مايحفطج وسكر التلفون فويهي وانا انهرت وبيوم عرسي كنت قمه في الضيقه ليما دش عليي بالزفه وانا مضايقه
هالذكرى دايما في بالي ولا اقدر انساها
احسه مايحكم عقله ويفتقد الرجوله لان ماقعد مع رياييل لا يعرف المرايل ومايعرف يحط النقط عالحروف مثل مايقولون معنى يدعي العكس
بعد الزواج واجهنه مشاكل وايد رغم الحب القوي الي بينه انا اكلمكم الحين بعد سنه خطبه وسنه زواج .. بدت تصير مشاكل لانه يتهاوش معاي مثل اليهال فقدت الطبيعيه بوايد اشياء ولما يتهاوش كان يقذف ويسبني ويسب اهلي وانا من القهر كنت اصرخ واهو يقوم يطقني وانا ارد ازيد ويطقني وازيد ليما نوصل لجنوووووووون ليما قال عني مجنونه وهو الي اختلق فيني هالشيء .. وكان لما اوصل لهالحاله يصورني علشان يكون دليل لو صارت مواجهات ! هذا كيف امنه على نفسي ؟؟ وبعد الزواج منعني عن اهلي بطرق غير مباشره كنه نيي فالويكند نقعد يومين وهو معاي ماقدر اروح مواجيب ولا اقعد مع اهلي كان وايد لازق فيني وهو عنده ان بهالحاله يابني عند اهلي معنى ماعتبرها جذي وماكان اييبني مناسبات عروس ولا يضغط على نفسه وييبني ديرتي لعرس او موجب الكل في عايلتنا حس ان وين فلانه ؟؟ ماتبين مانشوفهاا حتى اعياد مايخليني اعيد عند اهلي وانا كنت عميه عن هالاشياء واتغاضى واقول بيتغير بس ماشفت شي!! النقاش معدوم بينه والاحترام انعدم .. بكل مناسبه يابنت نكد عليي في عرسي وفي استقبالي ويوم صباحيتي وعرس ولد عمي وحفلة رفيجتي مره يخلي ويهي يتقلب جدام الناس لما يتصل فيني ويسب ويغلط انسان مايعرف يمسك نفسه ولا عنده مرايل كنت عميه عن هالاشياء .. هو كريم معاي ومايقصر وراعي طلعات لما نيي ديرتي يطلعني سينمات ومطاعم ويصرف لكن اول ماتزوجنه ماكان يعطيني مصروف بيدي عشان اشتري لي شيء و اوجب الخ .. يمكن علشان يدري انه كله معاي بس مهما كان انا احتاج ولما كنت المح يحسسني ان انتي توج متجهزه بالمهر معنى هو يقدر بس ماعنده حسن تصرف بصراحه تجاهلت هالشيء ليما قلت لاخته وشرحت لها ان تجي مناسبات واحيانا ميلاد اختي وابي اشتري لها هديه ماقدر اقوله تعاا عطني لاختي لازم مصروف بيدي اتصرف فيه ومن النوع لما يعطي يمن ويبيني اقدره وااايد على كل فلس يعطيني اياه ما كأن هو ملزوم .. انا صبرت سنه بدون حتى ماعلم اهلي بالمواضيع وكنت اتستر عليه لان في حب وعشره ومواقف حب صدقوني ماتتصورونه لكن الحب مو كل شيء
متى ياني الكف ووعيت على الأنفصال وشوو صار ؟
صارت مشكله بيني وبينه بسبب امه تكلمت عن شغله فيني انتقدتها اهي تحبني وماتقصد وهو ياني متهجم وكان يومها في عزيمه ببيت جدته قلت له احس اني تنكدت ماني رايحه لان طريقته حسستني انه صارت فتنه معنها ماتقصد لما نام وقعد وقلت له ماني رايحه قام يقولي من تربيتج وانتي مو متربيه ويهددني وخذ مني تلفوني ( هو دايما جذي لما تصير مشكله ) ياخذ تلفوني ويطلع ويحكرني .. خذ مني تلفوني وقام يسب اهلي !! طيب اهلي شدخلهم بالموضوع ويغلط عليهم انا قلت له الله يهديك .. لما رجع بعدين يكلمني بنفسيه معنه المفروض يحس فيني ليش هونت للعلم اني ماكنت اعانده يايته بكسره .. ! كبرت المشكله ماهدت طول اليوم قمت اصيح ومنهاااااااااااره هو ياني اخر الليل اعترف ان سوه فتنه بس انا اصريت ان اروح عند اهلي لاني تعبت من الاهانات حسيت ياتني قوه مو طبيعيه وهذي اول مره اقعد عند اهلي كانت لانه مايخليني كلمت امي اهي تدري بالموضوع قلت لها شنو صار بس هي قالتت لابوي وابوي يه بالدرب ياخذني خبرته بعد اذنه طبعا من الليل قالي ان روحي وانا ابيج تروحين عند اهلج .. من عرف ان ابوي بالطريج تغير ويها حس ان صارت صج ونزل شقة اهله وقالهم وهم مو متعودين ابوي ياخذني فضنو ان ابوي جاي يتمشكل مش ياخذني وخلاص جاتني امه فوق تتكلم معاي عن الموضوع ولامتني اني شمخت ولدها لان لما غلط ع اهلي شمخته قلت له هو ياما طقني ترا وضحت لها انج سببتي مشكله وجذي .. قلت لها لو يايتي مباشره وايد احسن .. بعدين هي نزلت ابوي وابوه صعدو وقالو لي شرحي شصار تكلمت وقلت الي صار بعدين صعدوه هو تكلم وانا كنت اسمع ورا الباب جذب وايد بشغلات وابوي كان منقهر لما انا جيت كانت الصدمه .. ماعتذر لابوي بعد ماعترف انه سبهم وقذفهم .. تخيلو يابنات يقول لابوي على فكره انا اطقها لما توصل حالات ينون بنتك فيها يني انا شاك فيها او توحد تخيلو يابنات التجزيح !! وانا اطالعه وساكته وكان يبي يشغل فيديواتي لما اوصل لمراحل من العصبيه .. وقالي انا ماتصوخ عليج لما تتكلمين بالتلفون انتي صوتج عالي كأن صوت رجاال سكتو كلهم وقلت له ترا عيب تقولي جذي كأن مثل لما تقول لريال صوتك صوت مره بنات تصرفاته مو رجوليه تصرف بطريقه غلط كني اتهاوش مع صديقتي بصراخه انصدمت فيه وجذب واخس اني ما اثق فيه ولا امنه على نفسي بعد !! جيت عند اهلي قبل ماطلع قالي هناك مافي طلعه وتلبسين نقاب لما بتزورين جدتج وانا شروط زواجي اني بس اتنقب فديرته بحكم العادات والتقاليد يعقدها اككككثر وماتصرف برجوله ......... بكم