همسه احمد @hmsh_ahmd
عضوة جديدة
تحضيراتي للشهر الكريم ان شاء الله علشان نتفرغ للعبادة اكثر
السلام عليكم ورحمه الله و بركاته
http://im31.******.com/3TuV1.jpg
النهارده حبيت اخدكم معايا في جولة في الديب فريزر عندي ...
حتشوفوا حاجات انا فرزتها لرمضان ان شاء الله و حاجات انا بعملها كل شهر للاستخدام العادي في البيت
يلااااااااااااااااا http://im31.******.com/R4nnZ.jpg
اتفضلوا الفيديو ده عملته مخصوص علشانكم و جولة في ديب فريزر همووووس :D
http://im31.******.com/oSwM1.jpg
ورق العنب
http://im36.******.com/nyGRx.jpg
بغسله كويس و اسلقه في ماء و ليمون و كمون و بعدها اشيل العود بتاعه و احفظه في اكياس
البسلة بالجزر http://im31.******.com/XzjVe.jpg
http://im36.******.com/FGduE.jpg
انا بفصص البسلة و اقطع معاها الجزر و اغسلهم كويس و اصفيهم و اعبي في اكياس و عالديب فريزر
و علي فكره بعمل الملوخية كده كمان بعسلها و اصفيها و اشيلها ورق و لما تطلع عالكبه فورا و تبقي زي الطازه تمام يا فتوكات و احيانا بضربها في الكبه الاول و اشيلها في الاكياس ...
الموز
http://im36.******.com/GDwQC.jpg
اليومين دول الموز رخيص و العيال بتحب الموز باللبن او الفراوله بالموز عملت شويه اكياس موز و برضه عالديب فريزر فورا
و لاني كلي شطاره فيقي الشوربه لا يمكن تترمي بحطها في اكياس و بتنفع في يوم بعمل اكل و معنديش شوربه
http://im36.******.com/53BLW.jpg
و النبي انا شاطره بجددد :D
و علشان الساندويتشات عملت اجمل مربى فراولة و كنت نزلت لكم الطريقه في فتكات من قبل
http://im36.******.com/su4Aq.jpg
و ادي علب المربي في الديب فريزر .. و كل ما تخلص العلبه اللي في الثلاجة اطلع غيرها ...
و دي فراوله صحيحة علشان العصير كمان
http://im36.******.com/Bv0Le.jpg
الدجاج
http://im36.******.com/zV3Fa.jpg
بجيب فراخي بالشهر و كده بتكون اوفر جدا و ابدأ بقي اعمل منهم البانيه و اتبله و اشيله متبل جاهز
و الدبابيس لوحدها بعمل بيها احلا كنتاكي في يوم تاني
غير بقي الكبد و القوانص دي حكايه و دي بعمل بيها مليون حاجه ...
و الهياكل لعمل الشوربه الجميلة ... طبعا غير الحتت الصغيره اللي بعمل بيها كفته فراخ و احيانا شاورمه فراخ ...
الكبده
http://im36.******.com/mtfeb.jpg
بغسلها بالليمون كويس و بعدها اتبلها بالثوم و الفلفل و الشطه و عالديب فريزر جاهزة للقليه فورا او بقطعها حتت صغيره لو حعمل كبدة اسكندراني
الطماطم
http://im36.******.com/CBWnv.jpg
دي بستعملها و انا بسلق اللحمه و الفراخ و ممكن اضربها و اعمل بيها عصير طماطم للطبيخ ...
اما الثوم انا فرمته و حطيت معاه ملح و شطه و كمون و فلفل اخضر رومي و عبيته في برطمانات و علي الوجه حبه زيت و رصيتها في باب الثلاجة و بتفضل معايا كده زي الفل لحد ما يطلع الثوم الجديد ...
الشبت و البقدوس بقطعهم و بحفظهم كده في اكياس و بحطهم في الفريزر عادي و بيطلعوا طازه جدا لا تقلقي ... اما عن البرتقال جبت منه عشرة كيلو و عصرته و حطيت عليه سكر و عالفريزر برضه و بحط قشر البرتقال مع الجبنه القديمة بتديها طعم جميل و بستعمله كمان مبشور للكيكه ....
الليمون بعصره و اشيله في مكعب الثلج اللي في الفريزر و بعدها اجمع المكعبات دي في اكياس و برضه بحطه في الفريزر و بطلع حسب طلبي و قشر الليمون بحفظه في اكياس و استخدمع لما بقلي سمك بيعمل ريحة حلوة و بيضيع ريحة السمك خالص ..
http://im31.******.com/nZMW8.jpg
و كل سنه و انتم يارب دائما طيبين .. دعواتكم ربنا يسترني و يبارك لي في اولادي و يرزقني بالحلال ان شاء الله
همسه احمد
21
5K
يلزم عليك تسجيل الدخول أولًا لكتابة تعليق.
همسه احمد
•
تاني تاني الموضوع خرب بسبب الصور :angry2::angry2::angry2::angry2::angry2:
الصفحة الأخيرة