كيف كنت وكيف صرت

السسلام عليكم صبايا
بحكي لكم قصتي من لمن غيرت نظام حياتي بالكامل
< ركزو نظام حياه موب دايت ورجيم وخرابيط بنات انا لي اكثر من 6 سنوات بعالم الدايت والرجيمات اتحدا ماقريت عن رجيم ماسويته والمشروبات الي طالعين فيها كل يوم خذيتها حبوب التنحيف اخذت مدري وين كان عقلي بس ابي انحف مافكرت لابصحتي ولا شي يعني سنين وانا اجمع الدهون في جسمي ماضنتي بتروح بشهر ولا شهرين ولا حتى 5 يبي لي صبر وعزيمة حتى اوصل للجسم الي ابيه موب الوزن الي ابيه الجسم المثالي بدون ترهل وسوولايت والقرف الي يصير بالرجيمات السريعه بنات كل الرجيمات الي جالسين تسونها غلط الاغلبيه بالمنتدى ماشين ع رجيمات غللط ترا الدهون تبقى بالجسم تدرون اش تخسرون تخسرون عضل وشعر وبشره باهته هذا غير الترهلات الخ الخ المهم انا بدايتي مع الطريق الصحيح اول شي دعيت ربي بنيه صادقه اني انحف ووقتها كنت جد ابي انحف وكل ذا توفيق من الله ف بديت مشي طبيعي ابو نص ساعه وتخفيف اكل ابيه يكون صحي شوي شوي تعلمت اشياء تناسبني اسويها وفي اشياء ابتعد عنها قريت قريت لين داخ راسي وموب من اي احد لا اقراء عند ناس فاهمين بمجال الرياضه بعدين صرت اسوي شد ومقاومة وكارديو وصرت اطبخ الي في نفسي بطريقه صحيه جدا


مافي جدول غذائي كنت امشي عليه ولا احب اتبع جداول اسوي الي ابيه بطريقه صحيه واكثر كمية البروتين ب اكلي وسلطات وكنت اسوي كبسه صحيه وايدامات والخ والخ


ابتعدت عن المقالي والخبز الابيض والمعجنات السكر قطعته من حياتي لو بغيت احلي حليت بعسل صحيح اكل بعض الاحيان بس مره كل اسبوعين بنات تخيلو لي 10 شهور وانا على النظام حقي واحبه وادمنته واذا لخبطت بيوم احس منغثه من نفسي كارهتها لاني تعودت على الاكل الصحي اكيد تبون تعرفون كم نزل وزني نزل وزني ممكن حول ال 25 كيلو قول مشاءالله من غير ترهلات وسوولايت جسم مشدود لاني نزلت بطريقة صصحيه ولا هو بسسرعه نهاية الصبر شي جمييل لذالك عليكم بالصبر بكل شي والحين كل من شافني قالي وقفي رجيم وانا مااسوي رجيم مجرد نمط حياه اكل صحي وعرفت الرياضه الي تناسبني بسس كفاية الفرحة الي تشوفين ان ملابسك صارت وسيعه مرا لاني خسسرت دهون بسس وثقتي بنفسي صارت جدا عاليه انا من زمان احب الكشخه .. بس من نحفت عرفت اكشخ صصح بنات كنت اشرب باليوم 2 لتر ترا المويه مرا مهمه مرا بشكل ماتتخيلون بعدو عن كل شي يقولونه من مشروب وغيره وغيره الشغله بسيطه اكل صحي ورياضه ساعه باليوم وانا اشيل اثقال ترا ماطلع لي عضلات لذالك لحد يصدق تشيل اثقال يطلع عضلات كذب الاثقال شي يشد الجسم مرا حلو وبنات المشي السريع والرياضه الي تخلي القلب يدق بسسرعه تشيل الكرشه مع الوقت والمقاومة تشد لك المنطقه الي تبين معليش طولت عليكم انا متابعه قديمة للمنتدى كنت ادخل اقراء اشياء عن الرجيم يشيب راسي لان الاغلبيه بغفله كنت ابي اقلكم تجربتي وان شاءالله احد يستفيد منها واي سؤال انا جهازه انا تكلمت عن تجربتي بس يعني موب خبره بهل المجال بس اطبق الي قريته والي ناسبني 💜💪🏼 ف احب الخير للناس نفس مااحبه لنفسي واكيد كثير يبون ينحفون بتنحفون حبايبي لو انتي عندك ايراده وتحبين نفسك وصادقه مع نفسك وعندك عزيمة وصبر صدقيني بتنحفين وانتي الي تتحكمين ب الاكل موب العكسس ❤❤>