بصراحه هل هذا عدل ابي الحق

السلام عليكم اخواتي العزيزات 
بدخل بالموضوع على طول وذكرته كذا مره في مواضيع اللي هو كثرت سفر زوجي طبعا هو يحب يسافر كل شهرين ثلاث برى بس المده ماتتجاوز الاسبوع وحاولت بشتى الطرق امنعه لكن سرعان مايثور ويعصب وانا ماحب الحرمه اللي تتحكم فيني 
غير انه مع اهله يسافرون كل سنه  مكه شهر كامل في رمضان ويذهب معهم ويعرض علي الذهاب بس صعبه مع 3 شباب فوق25 سنه وبشقه صغيره مافيه خصوصيه ويرفض انه اخذ شقه مستقله غير كذا النومه مع امه واخته وهذا الشي يضايقني 
وغضيت نظر عن السفره معاهم 
لكن مو هنا موضوعنا الموضوع الاساسي انه ذا السنه زودهااااا بقوووووه ومايبي نقاااااش وياويلي ياسواد ليلي اذا نطقت بكلمة او قلت حرف 
اقولكم السالفه ذا السنه حب يسافربشعبان مع الاصدقاء اسبوع ولا قلت شي وقلت خليه يستانس واحسن بعد عشان مافيه سفر مع اصدقائه الا بعد 4 شهور ولا هو يسافر كل فتره مع الاصدقاء بس بينها اشهر وهذا الشي خالصين منه بس ذا المره زودها سافر ورجع قبل رمضان 3 اسابيع وجاء رمضان وصارو اهله يرتبون اغراضهم بيروحون شهر كامل مكه وطبعا زوجي بيروح معهم وانا بروح اهلي ومابين اتنقل من شقتي البيت اهلي وياويلي اقول مليت او تضايقت تقب القيامه 
قلتله بكل لطف ليش يافلان ماتروح مكه على العشر الاواخرمو لازم تروح شهر كامل وانا عند اهلي كل ذا المده خلها اخر عشر ايام من رمضان قال لا انا ابي مع اهلي متعود كذا ويكون بعلمك بعد تراني برجع 3 العيد وبعدها بجلس 5 ايام واروح مع اخوياي نسافر اسبوع لاتقولي ماخبرتك 
قلت ياظالم تتركني شهر ونص عند اهلي ماتستحي من امي وابوي بنتهم جالسه عندهم شهر وزوجها يسرح ويمرح مره مع اهله ومره مع اخوياه قال انا امي وابوي ماحكموني يحكموني اهلك واذا متضايقه مو شغلي انتي انا ابي استانس افلها احرم نفسي على حسابك انتي قلت طيب مو مشكله سافر بس أجلها على الاقل شهرين العيد الاضحى ثم رح مع اخوياك قال لا مو على كيفك تتحكمي متى اروح ومتى ارجع جاي في بالي اروح ذا الوقت انتي وش دخلك وانتي عند اهلك مو عند الناس
انا يا اخواتي مقدره اني عند اهلي بس والله متضايقه ابي بيتي وزوجي وحياتي اهلي ماقصرو بس مابي اضايقهم في بزاريني غير مذا قلتله ترى اطفال ازعاج مايتحملونهم الا امهم وابوهم وبيتهم قال اذا تبين ادق على ابوك اقوله بنتك تشتكي من عيالي اقوله مايهمني احد انا ديني ودين اللي يتدخل بسفراتي انا طبعي كذا غير كذا انا ماقصرت عليكي اسفرك بالمقابل خليني اسافر قلت له معك حق تسفرتي بس بالمقابل تجازيني 3 سفرات مع اخوياك اذا تسفرني عشان تكون حجتك خلاص سافرتي ابي اسافر فهذا الكلام مايمشي علي وغير كذا يافلان ماطلبت منك معجزه كل اللي قلته لك اجل سفرة الشباب شهرين مو عدل توك راجع من مكة واجلس معك يومين ثم ترجعني اهلي وتروح مع اخوياك تسافر عيب وفشله عند الناس واهلي انت تستانس وتفلها على حسابي انا وزياده انا متضايقه من هاالوضع الا متى كذا 
قالي ماعجبك الباب يوسع جمل !!!!!!
يا اخواتي طفشت مايهمه الا نفسه كيف اتصرف معاه والله ماعودته بكيت هجرت البيت زعلت طلبت الطلاق كله ابيع يقلل سفر صار يكذب عندي دوره عمل بسافر واكتشف انه رايح مع اخوياه وش الحل معه ذا المره زودها بقوه شهر ماشفنا بعض ثم يجي يجلس يومين ويروح اسبوع يسافر وش ذا الادمي وزياده تخيلو يهاوش ويرفع صوته محسسني اني سارقه منه شي يدافع وكأنه حق من حقوقه شي يعني يطفش اسلوبه معي مثلا اذا قلت انا محتاجتك ابي بيتي وابيك مابي تسافر وتتركنا يرد علي وش اسويلك روحي اهلك وش دخلني فيك محسسني اني ولا شي مليت يا اخوات هل هذا عدل يسافر مكة شهر ثم يرجع يومين وبعدها يرجع يسافر مع اخوياه بحياته ماسوا كذا يسافر صح ومن عرفته وهو راعي سفر بس مو بذا الشفاحه 
الله يعين يارب وجعل من ردت ماتمس يدينها النار يارب