حبيت انقل لكم تجربتي عن هالطحين اللي البنات في المنتدى مسوينه سوبر نمبر ون
من قبل كنت اسمع عنه انه طحين ينخلط بس بالماء علشان يسوي الكيك والكل يمدح
عاد انه ولقافتي في كذا منتدى اشارك واسأل عن هالطحين اللي ما اعرف حتى اسمه
لين ما عرفت ان فيه ناس تسميه طحين ارامكوا وناس تسميه طحين الرفلة
ومن مكان لمكان لين ما قدرت احصله
ومن فرحتي يوم ثاني مباشرة سويته وخلطت كأسين من الطحين بالماء وصار العجين
جاهز ودخلته الفرن والحمد لله ما خذ له نص ساعة الاوالكيكة جاهزة
تركتها تبرد تماما وقلبتها بالصحن وحسافة لو اقدر انزل لكم الصور لكان شفتوها
الكيكة تنم عن نجاحها وما فيها اي مشكلة
جيت اقطعها ، بدت تتفتت
سألت نفسي لهالدرجة يعني اهي هشة
توني اذوق قطعة منها ، ما قدرت اكملها من كثر ما نسبة السكر مرتفع فيها
غير ان الطحين اللي حصلته كان على كاكاو وبالعادة مو كل الناس تستسيغ الكاكاو
وما ادري بصراحة اذا فيه انواع ثانية لو لا
المهم ، بعد هالمسألة شفت الشكل ما يشرف تقديمها فقمت امحور الطبق وفتت الكيكة بأيدي
ونقلته على طبق بايركس وصبيت عليه كريمة كنت عملتها من الدريم وب والقشطة وتركت
الطبق بالثلاجة
الشكل لا يعلى عليه ، بس الطعم الاساسي للكيكة خطأ
شعرت انه مليان بالكيماويات
بصراحة اقولها لكم ، اني معتادة على عمل انواع الكيك المختلفة من الطيحن الابيض العادي
وقلما ما صنعت كيك من طحين الكراتين زي البيتر كروكر وهم بعد كيك الكراتين افضل بالطعم
بألف مرة من هذا الطحين
بس هذه تجربتي وحبيتكم تاخدون خبرة منها وما تنصمون مثلي
على فكرة الكيلو يباع ب 8 ريال
يعني مو رخيص زي ما البعض فاكر
عش اليمام @aash_alymam
محررة
يلزم عليك تسجيل الدخول أولًا لكتابة تعليق.
شـَـتـآتْ
•
انا بعد مثلك انغريت فيه طلبته من الشرقيه وسويته قبل اسبوع بصراحه ماينوكل الحمدلله على النعمه مررره حالي ومن داخل كأنه مطاط مدري شلون :(
الله يوفقك على هـ النصيحه .. كنت مخططه اشتري واجرب .. لكن اللحين الحمد لله قراءة موضوعك ..
بالعكس ممتاز ويعجبني والناس اذوااااق لكن انا اضيف معه شوية طحين ابيض يغطي الحلى الزائد شوي
ويكفيك انه سريع ومايعوق للزنقات
ومشكوره
ويكفيك انه سريع ومايعوق للزنقات
ومشكوره
اللـي بالفانيليــــــا حلــــو انـا مجربتـــــــه
واللـــى بالككــــاو ماحبيتـــــه بالمـــــــره
واللـــى بالككــــاو ماحبيتـــــه بالمـــــــره
الصفحة الأخيرة