سترك يالله هل الجني دخل فيني البارح (قصه حقيقه )
بسم الله الرحمن الرحيم
هذي قصه حقيقية حصلت لي البارح بس قبل اقولها ابعطيكم مقدمه علشان تفهمون القصه قبل فتره كنت اسمع برنامج في الاذاعه عن الناس المسحورين والذين تلبسهم الجن والعين .... الخ واتصل احدهم يسأل الشيخ عن اخيه المتلبس به جني عذبه في حياته والسبب الذي جعل الجني يتلبس اخيه في اعتقاد المتصل ان اخوه شفاه الله كان يرمي اعقاب السجائر في الحمام اكرمكم الله يعني كمن يرمي جمره المهم الشيخ نصح وحذر من مثل هالامور وبما ان اخوكم ابتلاه الله بعادة التدخين ودائما ما ادخن خارج البيت في الحوش قرب الملحق الخلفي تجيني بعض الحالات وارمي اعقاب السيجاره بالحمام اكرمكم الله حمام الحوش مقعد عربي علشان تطفى الجمره ويوم سمعت كلام الشيخ دقني الخوف وعرفت انها مسأله خطيره عسى ربي يفكنا منها ومن عادة التدخين بكبرها المهم وعلشان ندخل بزبدة الموضوع البارح يوم وديت عيالي لاهلهم ورجعت بعد صلاة العشاء وجالس اناظر متى يبداء خسوف القمر وداخل اتأمل في ايات الله سبحانه وادخن (وين تجتمع هذي ) وكنت مطفي اللمبات علشان المنظر يكون اوضح المهم قمت بسرعه وما كملت الزقاره ورميتها بالحمام(والحمام كان مظلم لمبته محترقه ) الا واسمع هذاك الانفجار بالحمام وكان الصوت بقوة صوت الشرخ ونبطت الزقاره ورجعت تحت رجولي واذاني قامت تطنننننن وقمت اسمي على نفسي واقول اعوذ بالله من الخبث والخبائث واسترجع كلام الشيخ ومن الروعه اخذت الزقاره وكملتها (قلت يمكن الجني ما يبيني اصير مسرف ) ورحت انا ركبي تتصافق وزبنت الملحق القريب وانا كلي تفكير وهواجيس واقول يمكن هذي غازات طلعت فتحة البلاعه اكرمكم الله سوت الانفجار لاء اكيد هذا جني الله يستر لا يصير لي مثل اخو الرجال واتبهذل بس ليش الانفجار يمكن ربي يحبني وهذى تحذير من الله سبحانه وبما ان اللمبه محروقه حقة الحمام قلت ابروح اولع بالولاعه وكنت حذر وخايف لا يصير غازات وانفجار المهم ما طلعت بعلم ولا خبر ورجعت لمكاني افكر واتخيل وضعي هل دخل في جني وكيف بيكون وضعي ومشكلتي كنت لحالي بالبيت عيالي بينامون عند اهلهم ولا لي خلق اروح لربعي بالاستراحه وقلت مالي الا المنتدى ودخلت اسلي نفسي الين غلبني النوم ونمت وكنت خايف لا يجيني كابوس ونمت وانا متأكد ان اللي حصل جني ويوم قمت الضحى وطلعت ادخن تدرون وش حصلت حصلت في الحمام بقايا تفيخه (بالونه ) من بالونات بنتي الله يصلحها دخلت مع الهواء للحمام واستقرت بمقعدة الحمام العربي واول ماجت علية جمرة الزقارة انفجرت وهي مايبي لها شي منفوخه بقوه ومع ذا الحر ومع صدى بلاط الحمام صارت القنبلة اللي الى الحين اذانيي تطننننننن منها واذا عرف السبب بطل العجب منقوووووووووووول
cach girl @cach_girl
محررة ذهبية
يلزم عليك تسجيل الدخول أولًا لكتابة تعليق.
قطه مع وقف التنفيذ
•
استغفر الله العظيم واتوب اليه
هههههههههههههههه
ياربي الله يعينه الصراحه لو مكانه كان نطيت عند خوال العيال وانام عندهم
ياربي الله يعينه الصراحه لو مكانه كان نطيت عند خوال العيال وانام عندهم
ههههههههههههههه حلووووووووووووة والله ضحكتني النهايه الحمدلله ربي ستر متاثر بقووه من القصه الي سمعها
الصفحة الأخيرة