غيري العنوان الشقي هو شقاء في الدنيا والعذاب بالاخره
ومذكور في القرآن الشقاء هو للكفار والذين عصوا الله فقط

اما تجربتي الاخيره للطفله رغم اللام والتعب واحساس كاني داخله في مفرمه الطعام من شده اللام تعلمت ان الهدوء اقل ألماً من الصراخ الذي لايجلب سوى التعب وازعاج غيرك في اداء عمله

ياليت المشرفات يعدلون العنوان ويخلونه فقط تجارب الولاده ومشكووورين فديتكم عالتنبيه

انا ولدت مره طبيعي وفعلا احسن شيء تحاولين ماتصرخين لأنك ماراح تستفيدين شيء لازم
الهدوء وتنظيم التنفس
لأن الصراخ يستنزف طاقتك ولما يجي وقت الدفع الا حيلك مهدود وكمان ممكن يأثر عالجنين لأنه مايوصله اكسجين كفايه
كمان انا ماكنت ارتاح الا على جنبي " بغرفة الإنتظار" والممرضه كل شوي تجي ترجعني على ظهري بس ما اقدر لازم الف عالجنب احس ظهري بينكسر
اما التنفس كنت اقرا كثير عن هالموضوع ووقتها الحمدلله طبقت الطريقه وفعلا احس الألم اهون
طبعا تتنفسين بطريقة " طفي شمعة.. شمي ورده"
اسوا شيء بولادتي وقت الخياطه عذذاب كنت احس فيها ما انتظرت البنج يبدا مفعوله
امممم وش كمان
طبعا اول 3 شهور بعد الولاده كانت نفسيتي X
,وضع جديد علي وصياح البيبي ومغص وقلة النوم بس الحمدلله عدت بسلام
إذا تذكرت شيء رجعت لكم
ويابنات حتى اللي كاتتبين قصة ولادتهم بموضوع منفصل حطوا الرابط هني او انسخوها لأنها كم يوم وترجع هالمواضيع للصفحات اللي ورا وما نستفيد منها
عشان كذا نبي نجمع بهالموضوع كل القصص ونأخذ منها المفيد ونتجنب الأخطاء

الله يجزاك خيير
ومثل ما قالن الأخوات العنوان بالشقاء لا يجوز
والشقاء لأصحاب النار
وهو من أكبر برمجه سيئة للعقل  وسلبيه
العون والمساعدة من الله
ومن اغبى الولادات اللي يخلونك مستلقيه على ظهرك أصلاً الشغل كله على الظهر وهم يسدحونك على موضع الألم

اول ولادة لي كانت سريعه جدا و مؤلمة جدا لدرجة ماكنت عارفه وش اللي يصير بالضبط اذكر تنومت تسمم غذائي الساعه ٢ الفجر بمجزرة الولادة والاطفال و الصبح زاروني اهلي وكنت والده طبعا ما كان فيه اي استعداد لا نفسي و لا مادي ولا احد يدري عني اني راح اولد ولادتي الثانية والثالثة الحمدلله سهله ومستعدة لها تمام واستخدمت ابرة الظهر و كانت كل اموري تمام التمام