طالبة الطلاق من زوجي ، بعد معاناة وقصة حب ! ساعدوني

السلام عليكم ورحمة الله
ابغى مشورتكم ف موضوع
قبل زواجنا كان انسان مرة طيب مو شهر ولا شهرين حول ال 5 سنين معه من اول يحاول نكون مع بعض بس لأختلاف القبيلتين اهلنا رافضين والحمدلله من الله علينا وختمنا قصة حبنا بالزواج وشكلها صدق الخاتمة ! يابنات قد ذكرت ف مشكلة لي فالمنتدى زوجي طموح وشغيل ماهو اللي يحط يده ع خده وينتظر السماء تمطر ذهب رغم انه انفصل من وظيفته عقب زواجنا تدهورت احواله وماشاء الله جالس يطلع اللي يسد حاجته ب اعمال عادية ، ومانقدر نسكن سوا وصبرت حول ال ٧ شهور وجماعتي اكلو وجهنا ورغم ماعنده شي دبر مهري وشبكتي وكلشي ولكن مشكلتنا السكن وكنت اروح له زيارات ويجيني زيارات لاننا ف مناطق مختلفة .. المهم فرجها الله ورزقه الله ب وظيفة بطلة ومرتب محترم نفس اللي يتمنى وبدت تتحسن اموره وحدد زواجنا عقب شهر .
المشكلة وين ؟ انا وياه عقب الزواج مانتفاهم بشي نهائياً صار قليل حياء مايحترمني ، صارت عينه طويلة ، سلبي وانتقادي 24 ساعة .. عمره ما انتقدني عادي ولكن ينتقد المجتمع وينتقد كلشي يصير وبس سلبي ولا يضحك ولا يسولف ويخليني الغبية اللي اللي لعب بنفسيتي لعب ، وقلت يالله ماعليه يمكن عشان ظروفه وانه ماحصل شغل تحملت سلبيته والله 7 شهور وانا عند قريباتي واهلي معروفة بالتفاءل واحب الضحك والسوالف والدنيا احب انظر لأي آمر صغير ولا كبير ب ايجابية وتفاءل والله العظيم انه نزل من وزني 19 كيلو من المرض من ملك علي وجهي ذبل كرهت الناس والطلعات والحياة .. صار شغلي الشاغل هو اقدم له واكلم له بيديني ورجولي و 24 ساعة دمعتي على خدي منه وكل شوي انزل ل امي واهلي ابكي اقول طلقوني منه ماابيه ويصبروني .. والمشكلة من كثر ماطلبت الطلاق صار يستهتر فيني ويغير الموضوع ويقول انتي طلاقك على موتي انتي طفلة انتي ماتعرفين مصلحتك انتي عاطفية بزيادة انتي انتي انتي انتي ، لا تقولون عشان شغله وظروفه تحمليه والله العظيم ان حطمني تحطيم كرهته ماكأنه الرجال اللي حبيته وضحيت وصبرت علشانه .. ومن يجي يراضيني والله العظيم اني انسى عالطول واحاول اغير جوه والله العظيم ماقد جلسنا يومين متراضين وهو لو زعل يجلس ايام ولو تراضينا يذلني بخطاي سنين ودنين .. الا يجي ويسوي فيلم ودراما على رأسي وثررررررثارررررر المشكلة مو انه ثرثار عادي ، صاير من تزوجنا مايسمع الا نفسه بنص كلامي يقطعني كرت حتى اسولف معه صرت بس ساكتة ويهاوشني يقول انتي ماتتكلمين !!!! اقوله واوضح له انتي تقاطعني الف مرة ولا تسمع الا لنفسك ليش اسولف ؟؟ ويالله عاد انواع الشتايم وتحطيم النفسيية .. اللحين لنا اسبوعين مانكلم بعض يكلمني على التوتير بالخاص بس وحاظرني من كل مكان ولا يتصل فيني يقول ماراح اكلمك لين نسكن ف شقتنا وحدد موعد الزواج عقب شهر على مايخلص التأثيث ، يوم قالي كذا اقول ليه نتزوج طيب ؟ عشان تورطنا ببعض وكتبنا الكتاب ؟ الرجال بان على حقيقته اخلاقه زفت ومرات يقولي انتي مو أهل للتربية انا اللي بربي عيالنا !! انتي غبية انتي وانتي اقول ع ايش تزوجتني وحبيتني طيب ؟ اذا ماكنت كفو للتربية وبكون ام عيالك ليش اخذتني ؟ يقول كذا عشان احبك ! اقوله الحب مو كل شي انت ماتحترمني ولا احترمك واختلفنا كثير ودمرت نفسيتي تدمير ابي الطلاق ، ويقول المهم ترى سويت كذا وكذا اليوم واشتريت كذا !!! خخخخخيرررر ؟ بموت من القهر احسه مايشوفني شي ؟؟؟؟!!!! ارشدوني وشورو علي هل اسحب عليه مرا وارفع قضية وارد حلاله له ويطلقني ؟ ولا وش اسوي زواجي باقي له شهر وانا ماحجزت ولا سويت اي شي كاررررهته