ألف شكر وامتنان

بس بنات محد جاوب على اسئلتي !!!

بسم الله الرحمن الرحيم

ألف شكر وامتنان لكل من دعتلي .. الله يجزيها خير وينولها اللي في بالها

الحمد لله وحده .. نزلت الدورة اليوم متقدمة عن موعدها يومين مع اني سبحان الله كنت متفائلة وااااااااااااايد .. لكن الله سبحانه ما راد .. بس والله لحد الحين ما خبرت زوجي .. الله يعين ما ادري كيف بخبره ؟

عل العموم ناوية ان شاء الله هذا الشهر اكثر من الاستغفار ومن قول لا حول ولا قوة الا بالله .. واكل عسل على الريق وشرب ماء زمزم ..

بشو تنصحوني بعد ؟؟؟؟؟؟؟؟؟؟؟؟؟؟؟؟

وناوية استخدم خلطة العسل وغذاء الملكات بس ما اعرف شو المقادير بالضبط ومن وين احصل عليها ، ياليت تفيدوني باسرع وقت

حبيبتي استخدمي العسل والرشاد والفلفل الاسود والزنجبيل البودره تخلطينهم مع بعض وتاخذين ملعقتين صغيره على الريق وملعقه قبل النوم في ايام الدوره.... ياااارب تحملين

حبيبتي الله يعوض عليك الشهر الياي, و يصبرج و يسر امرك و يرزقك من حيث لا تحتسبين

مشكووووووووووورة اختي سنوبس على الخلطة

الله يسمع منج يا الحنين
أنا بصراحة ما اعرف وش مشكلتي بالضبط لاني باختصار .. اول دكتورة رحت لها قالت لي عندي هرمون الحليب وعطتني ادوية وتابعت معاها ثلاث شهور وبعدين هديتها لاني ما ارتحت لها .. وتميت كم شهر وبعدين رحت عند دكتورة ثانية وسوت لي تحليل وقالت لي ان هرمون الحليب طبيعي 100% !!!!!!! بس عندج التهاب .. وبصراحة ما استمريت معاها والدكتورتين قالو لي انه التبويض فوق الممتاز ., وبعد فترة رحت عند دكتورة ثالثة قالت لي انه التبويض عندج ضعيف جدا جدا ولا يمكن يحدث حمل بدون علاج!!! .. وطبعا انا تركتها هي بعد من زمان .....
والله مب عارفة مين اصدق .. والسبب اني ما استمر معاهم هو زوجي لانه ما يحب اني اروح المستشفيات ما ادري ليش ولما اروح عند وحدة اكون بالغصب قانعته واتم معاها كم شهر وبعدين يقولي خلاص لا تروحين اذا الله رايد بدون علاج بيصير الحمل

الله يهديه بس ويصبرنا