رمضان كريييم:)
كيفكم مع الطبيخ والنفيخ؟
اليوم عملت رولات الازانيا
وصورتها عشان افيدكم
بسم الله
مقادير المكرونا
مكرونا لازانيا
ملح
زيت
الطريقه
اول حاجه مسحت المكرونا يشوية زيت عشان ماتلصق ف بعض
وحطيتها في صينيه وصبيت عليها مويه وذرة ملح يعني باختصار(سلقتها) << تسمع بالاختصار هههههه
ودخلتها الفرن وجلست لحد ماانسلقت مزبوط < احس الازانيا مره تتعب ف السلق مو؟
هاه حطيتو المكرونا ف الفرن؟
طب تعالو نسوي الصلصه
بصل
فلفل رومي
دجاج او لحم مفروم
ماجي
ملح
اوريغانو او بهارات ايطاليه
طماطم
صلصه
حمست البصل واضفت الفلفل الرومي
هاذي المنسمه وهيا تطبخ احم << ياعيني
بعدين اضفت الطماطم وصلصة الطماطم و البهارات والملح والماجي والدجاج المفروم وجلست لحد ماستوى
وبعدين اسوي الباشاميل
دقيق ابيض
كاستين حليب
نص حبه ماجي
جبن سائل
زبده
اول حاجه احط الزبده ف القدر ولمن تذوب اصب الحليب
بعدين ابدى احط من الدقيق بالتدريج لحد مايثقل ويصير زي الصورة
بعدين اضيف له ملعقتين جبنه سايله
اكيد المكرونا استوت
نطلعها من الفرن ونفردها زي مانتو شايفين ونحط عليها من الدجاج
بربـ
بعدين نلف المكرونا زي الرول ونصب عليها من الباشاميل ولو حبينا نحط فوقه جبن مبشور
ملاحظة:
1-انتبهو وانتو تلفو المكرونا لان ممكن تطيح
2-جبت الصورة من الموضوع اللي تعلمت منه لاني نسيت اصور:(
وندخلها ف الفرن ونستنى
نستنى
لحد مايتحمر الوجه
وبـ الهنا والشفا:)