حبيبتي افضل حل اجلس يمع الولد وفهميه الصح من الغلط وانه في ناس سيئين ولازم يبعد عنهم او علي الأقل ينتبه منهم بكره يكبر وغصب بتطرون تعطونه جوال لانه بيحتاجه قولي له مستعده اعطيك كل الي تبي بس انا امك وخلك صريح معاي وتعال قول لي أي شي اول بأول والله يعينك

هذا وانا ولدي غاثني يبي جوووال 😧😦 ربي سترك وعفوك ورضاك
والله بديت اخااااف من كلامك عن المحيط الخارجي والمصيبه اطفال مثله وربي ذولي مب اطفال اذا هذا كلامهم 😨😨😨يروووع


اسمعي اعطيه الجوال
وحملي برنامج القفل
وبكل بساطه البرنامج الي ماتبينه صلحي له قفل برمز سري مايفتحه ابددد
وصلحي بعد من الاعدادات كل شي للطفل القيود وااالامان .. مثل اليوتيوب وقوقل
وانتي الان تفاهمي معه باسلوب حلو انه مو كل شي تسمعه من اصحابك او اقربائك تسوي مثله لانه انت متربي ومهذب ومؤدب مب مثلهم وانا مابيك تتعلم منهم قله الادب لاني احبك واخاف عليك ولانه هذا الشي يغضب رب العالمين مايجوز وحرام الكلام الوسخ مثل ورني . . او ... واعطيه امثله عشان يفهمك ومحد يضحك عليه ..
قوليله انتبه تروح مع احد بدون اذني او تخاف تعلمني اي شي يقولونه لك علميني وانا ابي افهمك واعلمك الصح والغلط وبوسيه وضميه وقوليله لاني واثقه فيك رجعته لك لانك ولدي حبيبي مارضا عليك احد يضحك عليك..
والله يبععده عن عيال الحرام ياررب

ولد خالتي راح للبقاله وشاف ولد صغير تقريبا عمره 8 سنوات معاه جوال ومنسجم اللي يبيع في البقاله هندي قال لولد خالتي هذا الولد له اكثر من ساعه جالس هنايشوف افلام وسخه اقسم بالله يابنات صدمه اساسا في اليوتيوب لو بيشوفوا الصغار فيلم كرتون يشوفوا فضايح الله يحميهم ويكفينا شر هالاجهزه

معليش والله اخطأتي يالغاليه كان من المفروض من ألأساس ماتعطوه
لكن مااشوف ولدك سوى شئ غلط الغلط من البيئه المحتك فيه
انتي كذا هزيتي الثقه بينكم بإمكانه يعرف جميع الأمور من اصحابه او اقرباءه
كان بإمكانك تنصحيه كل فتره بان الله مطلع عليه وعالم بالخفايا وتستودعيه الله ودائم يقوم من المجلس اللي فيه هذا الكلام سواء جلسه اصحابه او اقاربه
ثانيا يقول لهم ماابغى اتكلم في ذي المواضيع يكون صريح من البدايه لأن كثرة المساس يذهب الإحساس
اضافة بنات للبيبي ممنوع
حطي قوانين عند منحكم لأطفالكم اي شئ
الجوال يكون في البيت مايتفرد فيه ابد




اخيتي اعتذري من الولد ماسوى شئ خاطئ الخطأ كان من ابوه انه منحه جوال كان استغله بنادي او كتب او رحله عائليه او عمره او حج اي شئ فيه بدائل تعزز فيه روح الطاعه
اما جوال لاحقين على وجع الراس
اعانك الله ووفقك

الله يحفظ ولدك وعيال المسلمين يارب


وربي لمن قريت كلامك خفففت مره من المستقبل والتربيه شلت همها انا لسه بنتي عمرها 7 سنوات


والله التربيه في ذا الزمن صعبه مره