اخواتي الهريسة نفسها النمورة وبتكون الحبة متماسكة واثقل من عجينة البسبوسة

مع نفس الخطوات الي زكرتها الاخت اي ستروربري

وهده طريقتي للنمورة

المقادير

كوب سميد

كوب سكر

كوب جوزة الهند

ثلاث ارباع الكوب زبدة

كوب حليب

كوب لوز او فستق حلبي للزينة

هوا فيها كمان ملعقتين ماء الزهر بس انا ما بحبه علي الحلويات حطيت ملعقتين حليب بداله

الطريقة


بنخلط كل من السميد وجوزة الهند والزبدة في وعاء لحالهم

وبعدين بنخلط الحليب والسكر في وعاء ثاني

بندهن الصينية بالسمن وبنضيفلهم مكونات الوعاء الاول والي بتكون من السميد والزبدة وجوزة الهند


بعدين بنجيب مكونات الوعاء الثاني والي بتكون من الحليب مع السكر وبنحطهم علي المكونات الناشفة

وبنتركهم ساعة كاملة وبعد الساعة بنفرش الفستق علي الوجه وبنضغط عليه وبعدها بنقطعها

وبندخلها فرن حامي مدةربع ساعة وبعدها بنطلعها وبنسقيها بالقطر وبنرجعها مرة ثانية

يعني تقريبا مدة 10 دقائق او حتي تتحمر


وبنقدها باردة مع القهوة


القطر لازم يكون بارد ونوعا ما جامد يعني لا هوا كثير جامد ولا هوا سائل

وان شاء الله الف صحة وعافية


شوفي الفرق في الصورتين بين النمورة والبسبوسة



والبسبوسة كمان الي الصورة وهي نفسها بسبوسة الاخت هند الله يجزيها الخير