ليلة العيد دخلت المطبخ وسويت لأسرتي المتواضعه > ادري مو من كثرنا بس كانت مفاجأه حلوه مره
سويت هالشيز كيك .. وحطيناه واكلناه بالعافيه على قلوبنا وبقى منه كثير وديته بيت اختي الظهر
نجي للمقادير والطريقه :
نسوي اي كيك .. شوكولاته .. العلالي او بيتي كروكر .. او الجاهز ..الي تحبون
انا سويت العلالي شوكولاته .. واخذت بس نصفه يكفي ..
ورصيته بصينية .. نجي للطبقه الثانيه :
ناخذ نصف بسكوت الشآآهي ونفتته على الكيك ..
بعدين نخلط شوي مويه وملعقه حليب ناشف .. ونسكافيه .. ونساقي فيها البسكوت
نجي لخلاط المولينكس .. الكاس .. نحط فيه / علبة قشطه .. وملعقه كبيره نسكافيه .. و نص البسكوت الشاهي الباقي ..
ونسوي عالنار بقدر :
2 كاس مويه و 2 كريم كراميل و ملعقه كبيره نسكافيه و 4 ملاعق حليب بودره ..
اذا بدت بالغليان نحطها عاللي بالخلاط .. القشطه والبسكوت والنسكافيه ونخلطهم سوآآ .. ثم الخليط نصبه على الصينيه ..
ونحطه بالثلاجه ... ونروح نغسل المواعين هالوقت لحد ما تمسك ..:3_13_12:
:time:
ثم نسوي الطبقه الثالثه ..:
هي نفس الثانيه بس بختلاف بسيط ..
نحط عالنار بقدر .. : 2 كاس مويه و 2 ظرف كريم كراميل و 4 ملاعق حليب ناشف .. و ملعقه كبيره شوكولاته بودره .. اول ماتغلي نشيلها ونصبها عالصينيه .. ونراعي نحط الملعقه على مكان الصب عشان لاتنحفر الطبقه الثانيه من الحراره ..
نحطها بالثلاجه 10 دقايق بس تمسك .. ثم نزينها بالشوكولاته الجافه المره ..
وانا كتبت عليها بالشوكولاته البيضاء بعد ما سيحتها بحمام مائي وحطيتها بأبرة وكتبت
وهذي هي بعد مافكينا الصينيه ..
وهذا شكل آخر
وهذي قطعه لكم ... بالعاآآفيه على قلبكم ..