صباح الخير والبركات لاحلى حوائيات
طبعا لو احكيلكم قصتي مع الكيك والافلام الهنديه والمسلسلات الكويتيه اللي كانت تصير غير تحزنو على فلوس اهلي سابقا وابو العيال حاليا لانو كله بالزباله وانتو بكرامه
الين ماطحت على وصفه سهله والاهم زبطت اخيييييرا من جارتي ياعساها دايم الدوم متهنيه وسويتها بكذا طريقه باختلاف بسيط حطيتلكم 3 انواع وان شاء الله كل ماسويت شي جديد باضيفه
الى الوصفه
المقادير:
في الخلاظ العادي تحطي ....
1 ضرف كريمه
1 بيضه
رشة فانيليا
3ملاعق حليب
نص كاس زيت
وكاس مويه
كاسة سكر
وملعقه صغيره مربى اي نكهه _حسب الرغبه_
وبمعجن او زبديه 2كاس دقيق وملعقة بيكنج باودر
الطريقه:
بعد مانخلط المقادير زين مازين
نحطها على الدقيق والبيكنج بودر ونخلطها زييييييين ونصبها بصينيه مدهونه ومرشوشه بدقيق اذا بتقلبيها غير كذه يكفي الزيت وتوضع بالفرن على نار هاديه تقريبا 160 وتترك ل 40 دقيقه وتشيكي عليا ثم تحمريها وتنتظري حتى تبرد واقلبيها وبيكون كذه شكلها
الظريقه الثانيه
ابيض وشكلاته
نفس المقادير بس تشيلي نص كاس دقيق وبمعجن ثاني تحطي نص كاس كاكاو بودره ملعقة دقيق وبيكنج بودر من المعجن الاول
حطي ثلاث ارباع الخليط اللي بالخلاط على الدقيق الابيض واخلطي
زيدي على الربع الباقي ملعقتين سكر وخليه ينخلط وبعدين حطيه على الكاكاو
اترككم مع خطوات صبها بالصينيه
نص من الخليط الابيض وكمية الكاكو كلها
ثم باقي الابيض وبالطرف الخارجي للملعقه لفي بحركات لولبيه
وتخبز وهذا الشكل النهائي
الطريقه الثالثه
الكيكه الشقراء بالتووفي
نفس المقادير بس استبدلي كمية الحليب بكاسه واحمسيها على النار وحطيه على الدقيق مو بالخلاط وباقي الخطوات مثل ماهي
وبعد ماتستوي نسويلها اي صوص كراميل تحبيه بالنسبه لطريقتي
فنجالين سكر ونص فنجال مويه نتركهم على النار بتحريك بسييييط الين يشقر السكر
نحط قطعة زبده ونذوبها بالسكر ثم علبة قشطه
ومعليش تفتفتت الكيكه شوي لان اخواتي مستعجلين يبون يتقهوو ومانتظروها تبرد
يابنات ترى الكلام كثيير لكن الفعل غيير مررره سهله ومن مره وحد بتحفظي مكوناتها وجربت فيها نوعين من الكب كيك وطلع ولا احلى بس للاسف ماصورتهم لكن وعد والموضوع ان شاء الله راح يكون متجدد وبنفس الطريقه
هذه اول مشاركه ليا بقسم المطبخ وان شاء الله ماتكون الاخيره اتحفوني بتطبيقاتكم واااسفه عالاطاله