والله انا كنت مثلك كان لي سنين اتمنى انها تضبط وماضبطت ويئست منها وماعاد سويتها لين سوتها قدامي شغالة عمتي وعرفت السر انه اهم شي النار ماتكون عالية يعني تحمي الزيت لين يسخن وبعدين تقصرين لاخرشي وتحطين اللقيمات وتقعد حوالي خمس الى عشر دقايق وتقلبين فيها لين تحمر مع جميع الجوانب وذا طلعتيه من الزيت حطيه بصفاية لين تسوين الدفعة الثانية وذا طلعتي الدفعة الثانية لا تحطينها فوق الاولى لا حطي الدفعةالاولى اللي بردت بصحن كبير مثل اللي نغرف فيه الرز عشان ماتلين وتهبط وتفقد القرمشة وسوي كذا لين تخلص الكميةوبعد كذا حطي عليها الشيرة وخلي اللقيمات مكشوفة لا تغطينها
بالنسبة للمقادير
حطي في طاسة
واحد ونص كوب دقيق كويتي
بيالة حليب سايل مثل السعودية او المراعي
بيالة لبن
ملعقة جبنة سايلة
ملعقة قشطة
ملعقة صغيرة نشا
ملعقة صغيرة بكنج بودر
ملعقتين خميرة
شوية ملح
شوية سكر
تعجنينه مع بعض واذا احتاجت ماء زيدي واعجني لين تصير العجينة اثقل من المصابيب واخف من الفطاير يعني تقريبا مثل عجينة الكيك ثم غطيها واتركيها تخمر ساعتين وبعدين سويها

استخدمي لقيمات القاضي واتبعي نفس الخطوات الي بالكرتون

وراح تضبط معاكي