فوضويه في حياتي.. ومشغوله من غير شغل

السلام عليكم ورحمة الله وبركاته..


تابعت عالم حواء منذ سنوات.. يجذبني هذا القسم كثيرا .. واتخيل نفسي احدى المبدعات فيه ..


ولكن ما حدث في حياتي هو العكس..


ربما بسبب الضغوط النفسية وفرط حركة الاطفال ..


كنت اتخيل نفسي في منزل نظيف يلمع وأطفال مؤدبين مع بعض الشقاوة..


لكن ما حدث هو العكس ..


ارتب منا يحوسون مناك..


الاثاث كسروه ..


ربما هو خطأنا كوالدين.. لم نكن نعاقب ولا ننهى .. فقط نتذمر من حركتهم ..


حقيقة.. أهملت بيتي كاملا .. فلم يعد يعنيني ان انظفه كسابق العهد ..


لم اعد اهتم ان انام وقد انهيت اعمال المطبخ كاملة ..


حتى الملابس تراكمت او لم تتراكم لا يهم .. ما دام لدينا ما نلبسه ..


لا أؤمن بوجود الخادمة .. وارى انني المسؤوله واخيرا عن بيتي ..


لا تظنون ان الوضع عاجبني وانني مرتاحه ومبسوطه ..


والله لا اشعر بالراحه الا اذا قمت من الخمول والكسل ونظفت بيتي كاملا وعطرته ..


فكرت فعليا بتناول فيتامين د .. فالكسل اللي فيني الحين ما مر علي في حياتي ..


اقوم الصباح لمدارس اولادي نشيطه وعاقده العزم على الترتيب ومن اول ما يطلعون مع الباب انسدح بالفراش ولا اصحى الا 11 ..


اعلم ان البركه في البكور وجربتها كثير ووالله انها حقيقة لا ريب فيها ..


انا محتاجه شي لكن ماني عارفه وشهو ..


احيانا اولادي كلهم نايمين وهذي فرصه عظيمه للترتيب براحة تامه ولكن ما اتحرك بس جالسه ..


ماني من متابعات المسلسلات والتلفزيون عامه .. ولاني من اللي لهم علاقات كثيره تربطهم بوسائل التواصل ... لكني كذا جالسه من غير شغل ..


كرهت حياتي .. اتمنى ارجع مثل اول .. بيتي يبهج زوجي من اول ما يدخل مع الباب..


ادري ان الشغل اول بأول يريح من الحوسه والكركبه ..


لكن الحين اللي توهق وما عاد يمديه اول باول .. كيف يبدا بالترتيب ..


عاقده العزم بإذن الله ابدا من بكره الصباح على اول الخطوات..


فكرت ابدأ بالمطبخ لأنه اهم مكان عندي .. واحيانا اقول لا غرفة النوم او غرف الاولاد .. والملابس حلها سهل بالغساله ..


ما ابغى اشتت نفسي مثل مره فاتت ما استفدت الا كركبه على كركبه..


خلصت نص المطبخ ورحت لغرفة النوم ولاني اللي خلصت هذي ولا هذا ..


كل اللي ابغاه منكم تساعدوني ولكم مني دعوة بظهر الغيب ..