خلاص....ما فيه وظايف؟؟؟؟؟

السلام عليكم..

ما فيه وظائف وقدمت على كل شي بواسطة وبدون واسطة ولكن للأسف ما فيه نصيب..
المشكلة أني دبلوم حاسب آلي..وفرصي نادره أن لم تكن معدومة ومتخرجة لي خمسة سنين والعمر يركض والبيت والزوج والعيال..
وكل شي صار غالي والناس لاهية وانا في منطقة واهلي في منطقة..واصلاً امي وابوي مطلقين من يوم وانا صغيرة وكلاً متزوج وعنده أطفال ومشغول لدرجة ان عائلتنا متفككة وما حد يحب احد..
وأنا ذبحني الفراغ والملل..كل اللي أعرفهم موظفات خواتي..خوات زوجي..
أحس أني عجوز مهملة..تفكيري سطحي وحساسه..ماني راضية على شخصيتي..صار همي أخبار الناس والهذرة بالتليفون..الأسواق والتلفزيون..
الله لا يشغلنا الا بطاعته..بس كيف استثمر وقتي بشي يشغل وقت فراغي وفي نفس الوقت يدخل علي فلوس وأحتك بالعالم وأكون صداقات..
صارت نفسيتي تعبانه ماني طايقة اللي حولي..
أنا ماني طماعة أي شي حتى لو عمل تطوعي..على الاقل اسوي شي لمجتمعي واصير عضو فعال..واصير راضية عن نفسي..

جزاكم الله خير..اللي عندها حل تقولي.