كيف رتبتي عفشك للانتقال لمنزل جديد (تجارب)

سبحان الله وبحمده سبحان الله العظيم

يعطيك العافيه على الرفع

حبيبتي اذا هذا وضعك انا انصحك نصيحة .....

انا توني ناقلة لبيت جديد ماشاء الله وجبت شركة نقلت بيتي

هي تنقل كل شي من الدولايب انتي بس ملابسك حطيها بشنط والاشياء الغالية وحاجياتك

واطلعي من بيتيك انتي وبنتك وخدامتك ولازم البيت الجديد يكون نظيف

هم بيدخلو البيت ويكرتنون كل شي من مطبخ من اغراض من زجاجيات ولاتشلين هم شغلهم مرة دقيق ونظيييف

واغلب الشركات تسوي كذا اذا تبين اعطيك رقمهم ماعندي مانع بس ترى النقل يكلفك للشقة حوالي 3000 ريال تزيد او تنقص شوي طبعا بسعر الشقة هذي

طبعا انا كنت مرتبة اغراض المطبخ بكراتين وبعض الاشياء بعدين تحسفت اني تعبت حالي واخرتها هم يشلون كل شي

بس اشوا اعطونا خصم شوي لاننا مرتبين بعض الاشياء
وموووفقة ياغلا

أنا لما نقلنا رتبت الأغراض بكراتين (الكلوركس) لأنها تتحمل والمكيفات الشباك
اللي قابل للكسر من صحون وتحف ألفه بجرايد واقفل الكرتون وأكتب عليه بالأحمر قابل للكسر عشان ينتبهون وقت شيل الأغراض
وكل كرتون عليه رقم وفي ورقه أخليها معي في محفظتي أكتب فيها أرقام الكراتين وكل كرتون وش يحتوي

لا بغيت اي شي أرجع للورقه وأشوف وين طلبي بأي كرتون وأوصله بسهووووووووله وحتى ترتيب الأغراض في الشقه الجديده أسهل لأني أعرف مكان كل شي

وبس الله يسهل أمرنا وأمركم ودعائكم لولدي الله يشفيه يارب

مشكوره براءة قلب والله ودي اجيب شركه بس ابوالشباب رافض لاني بشتري غرفه جديده وفيه مصاريف كثير تركيب المكيفات وغيررره وغيره