قبل يومين كنت في عزومه وحده من صاحباتنا ايام الكليه عازمتنى وتبينا نجتمع وكنت انا و3 من صاحباتي وهي عازمه 2 من زميلتها بالعمل وسلفتها
المهم اجتمعنا وقهوه وسوالف
بس صارت اشياء نرفزتني وخصوصن انا لي اربع سنوات ما اجي لسعوديه الا سبوعين او ثلاثه واكثرها يوم اولد يعني قليله جمعاتي بالناس من تزوجت
اول شي عندنا وحده من صاحباتنى التزمت الله يثبتها بس نرفزتني باسلوبها لدعوه وطريقت كلامها
انا خابره الي يبي ينصح ينصح باسلوب عشان يقنع الي امامه ويحببه في نفسه وف دعوته هذي لا ما عندها الا السب ويا بنات تدعي انا ما ادري ليه الدعاوي على وحده ما تعرفينها عشانها مو ملتزمه قالت لها وحده انا ابي اعرف انتي قبل 5 شهور ما كنتي ملتزمه قالت الله هداني قالت حلو ادعي لهم بالهدايه مو تدعين عليهم بالموت والسرطان قالت ذولي فاجرات ليه عشان عبايت الكتف قالت انتي قبل 5 شهور كنتي ما تتغطين وكنتي تلبسين عباية كتف مفتوحه وتلبسين البرمودا وتطلعين سيقانك مع حفيظ سواقكم وكنتي ما تطلعين حتى لسوق الا متبخره وفل مياك اب وصلاتك الله اعلمبها وكنتي اتارقلين والله هداك يعني انتي قبل فاجره ولا من يومك ملتزمه ياختي اذا عندك اسلوب تكلمي وانصحي واذا ما عندك ادعي لهم بالهدايه في قلبك قالت الناس الان اظلو طريق الحق واصبحو كالبهائم لازم بالعصى تسوقينهم وانا لازم امسح فيهم البلاط عشان يتقومو قلت لها هذي قناعات ناس ما تقدرين تغيرينها ولو الكون بيتغير كانه غيره خير البشرييه ولونه بحد السيف لاكنت الناس تنصح ياختي انصحي بالكلام الزيين مو بالسب
قلت لها تذكرين قبل 4 سنوات يوم كنت اجهز لعرسي ورحتي معي لراشد وكنتي لابسه عبايه مخصره وفاتحتها ولابسه بنطلون ضيق وكنت انا لابسه عبايه راس وناس تطالع فينا شتان بيني وبينك وقلت لك سكريها فشلتيني قلتي مالحد خص فيني وجت وحده قالت سيقانك حلوه حرام تشوينها في نار جهنم وجلستي تصارخين وتقولين نار جهنم تحرققك واخرت انا طلعت وخليتك فضحتيني بالناس قالت كنت في جهل قلت الناس مثلك بس انتي كنتي مفضحه وانتي الان التزمتي ولا زلتي مفضحه اجل ذاك اليوم تقول وحده في الظهران لابسه عبايه ساده كتف وزوجها جنبها يمشي وجيت وقلت له انت ما تخاف الله في زوجتك استرها الله لا يستركم ورحت
وش رايكم بالله ما تنرفز هذا نصح
الهيئه اذا شافو شي زي كذا ينصحون بادب وهم الهيئه لهم الحق بالامر بالمعروف وهذي بس شغلتها تهزئ احس نوعيتها هي الي تخرب على الديين والمتدينين
وبعد ما هدينا الوضع انقزت سلفت خويتنا بسالفه مدري من وين جايبتها
قالت وين بتسافرون انا بسافر حق لبنان بس اخاف على زوجي يقهروني هالنوعيه يومك تغارين على رجلك وش هوله تروحيين لبنان زود فشخره انا موت اذا وحده تحن طول السنه تبي تندفس وتسافر واخرتها اغار لا تطالع لا تكلم لا تجي لا تسوي يختي روحي لطايف قالت يوه زهقنا منها قلت روحي لمكه اعتمري افضل لك قلت توني معتمره برمضان وحترنا معها مدري وش تبي ودي في الخارج نبي نغير بس البنات موتون باسعوديين قلت لها لا ارقدي امنه محد يبي زوجك
يله عاهات في المجتمع وربي
ولما اتعشينا دق تيلفون وحده ردت قلت زين يله قالت خويتنا من قالت الحمار تخيلو تقول عن زوجها الحمار ليه لانه ما خلاها تسهر اعوذ بالله هذي كيف تبي الناس يحترمونها ويحترمونه وهي تسميه حمار ولا هذي اول مره تشوفنا وقالت حمار اجل الي تمون عليهم ايش تسميه قدامهم والرجال هذا المسكيين الي جابك تطفحيين وتستنسيين هذا جزاته تسبينه وتقللين من شانه
بصراحه طلعت وانا اقول لخويتي عزومه قشرا انسم بدني وتنرفزت قالت عادي يااااااما بتشوفين كل العزايم كذا قلت خلاص ما ابي اسير على احد
بذمتكم شي ينرفز ولا لااااااااااااااا
انا كرهت العزايم كلها من عقب هذيك العزومه
وصحيح كل الناس صارو كذا
الله العنى عن عزومه زي هاذي
الناس يتجمعون بسوالف حلو وانتم سوليفكم كلها سب
الله يعينك يارب على هاذي البنت