يابنات الطائف مستشفى عبد العزيز للولاده

الله يفرج لها همها اللي ترد عليه

يابنات الله يخليكم احد يرد عليه المشاهدات ماشاء الله كثير بس مافي ردود تكفون والله اني في هم

ماعندي علم بس اسال الله لي ولك ان يسهل ولادتنا ويقومنا ربي بالسلامه
رفع

الله يقومك بالسلامة .. طيب استخيري وروحي لمستشفى الحسن في الحوية الولادة الطبيعية عندهم تقريبا ب 3500 واهتمام وعناية ماشاء الله. ..

انا ولدت فيه قبل اربع سنوات والحين حامل وقربت اولد وماراح اختار غيره باذن الله ... اللهم لك الحمد ، اولا التيسير من ربي وكنت دايما ادعي ربي ولادة ميسرة وسهلة وانه يسخر لي الطيبين من عباده ، وابشرك كانت ولادتي فيه راااائعة بشكل ماتتصورينه لاني قبل جبت بكري في الامين وذقت المر سواء انا او ولدي اللي جا معاه نقص اكسجين واهملوه لان المستشفى مو مجهز للحالات الحرجة وبعدها قررت ماعاد اولد الا في حكومي عشان العناية بالطفل وكنت متخوفة من كلام الحريم والسب اللي اسمعه عن المستشفى لكن وكلت امري لله ودعيته واستخرت وولدت فيه ولادتي الثانية ويشهد الله شفت حنية وعناية ماشفتها في الخاص وحتى خياطتهم اللي كنت خايفة منها طلعت راااائعة لاني خرجت من المستشفى ورحت لدكتورتي اللي كنت اراجع عندها وكشفت عليها وقالت ممتازة جدا الخياطة وفعلا خرجت من نفاسي افضل من ولادتي الاولى اللي تفككت فيها الخيوط قبل تلتئم الخياطة ... طبعا ولادتك بتكون في غرفة خاصة لك انتي ونونتك ومجهزة بأحدث الاجهزة وفيها ممرضتين سعوديات خلوقات وحنونات ولا راح يولدك الا استشاري او استشارية متخصصين وعارفين شغلهم زين وباذن الله راح تشوفين عناية بك وبالنونو عكس مايقولون الحريم لدرجة انهم رفضوا ان الطفل يخرج قبل مايكشف عليه كل الاستشاريين المتحصصين ويطمنون على صحته
بس انتي ادعي ربي دايما بالتيسير وانه يسخر لك الطيبين وتوكلي عليه ... الله يكتب لي ويكتب لك ولادة سهلة ميسرة ويسخر لنا الطيبين من عباده ويقومنا بالسلامة احنا ومواليدنا ...