قصه رووووووووووووووعه لاتفوتكم
بسم الله نبدا
شرقت الشمس
قامت الأم وغسلت وجهها
وقومة بنتها زهبه
يالله يا زهبه قومي عشان تودين الفطور لجدتش في الوادي
قالت أبشري يمه
حكت عمرها شوي
ثمن قااامت وراحت تغسل وتوضي وتصلي
لحقت أمها
أعطتها أمها خبزة تنور وصنية سمن
وقالت وديها لجدتش
راحت البنت وهي تغني
سمع صوتها الذيب
وقف الذيب قدااامها
كيف حااالش يا بنت
بخير يالذيب
ايش تبغى يالملعون
والله إنك تدور ورااا الخبز والسمن
قاال الذيب لا تلعنين استغفر الله
قد افطرت شكشوكه والسمن يجيبلي الحموضه وما يمدحون سمن بقركم
قالت اييييييه طيب ايش تبغى ذلحينه
قال مغير أبغى اسولف ما ودس نسولف تحت تيه الطلحه
قالت ماني فاضيتن لك أمي ارسلتني بالفطور لجدتي
وإن أبطيت عليها بتدبغني
قال خلاااص بأمشي معش لين توصلين لجدتش
قالت ما ودك تفلح يالكذاااب
وخذت لها حيد وحذفت الذيب
الذيب قام يقول خلاص خلاص
إني الغلطان يوم أعطيتش وجه يا تيه الورعه
قالت حدن شكى عليك تعطيني وجه
الذيب انقهر
قال والله فيش أنتي وجدتش
قام يلحقها يبغى يعرف فين جدتها
يوم شاف البيت من بعيد سعى وسبق البنت لي بيت الجده
الجده قامت اتطهر وتبغى تصلي الضحى
طمر عليها الذيب
وسرطهاااا سرط إلا تركيبة الضروس حذف بها
ولبس لبسهااا ورقد على السرير
جت زهبه ودقت الباب
يا جده
يا جده افتحي الباااب
قال ادخلي الباااب مفتوح
دخلت زهبه
السلام عليكم
محدن رد
يا جده فين أنتي
طلعلها الذيب وهو يضحك ويشر على بطنه ويقول
شفيها هنيه
ودش تقابلينها تعالي أسرطش مثلها
شردت البنت والذيب يلحقها
وهي تصيح
سمعها الحطاااب
جا الحطاااب وحندر مع الدريشه
عين الذيب على السرير ومع خلاااله يخلل بها ضروسه بعد ما سرط العجوز وزهبه
وراااقد على ظهره على سرير العجوز
وبطنه منتفخ من الثنتين
الحطاااب قعد يرقب الذيب لين رقد
دخل الحطااب على الذيب وشق بطنه إلا هو بزهبه والعجوز وهم يفطرون خبز وسمن
داخل بطن الذيب
قالت العجوز انطح فاالك
قال فيه العااافيه قد افطرت
قالت خذلك كم لقمه
قال ابشري
أفطر معهم ويوم خلص
هبا في بطن الذيب كم حيد وخيط بطنه بمعلاااق ملاااابس عينه في درج العجوز
الذيب قااام يعوي ويصيح من بطنه
فضحك الحطااب والعجوز ولكنها تضحك بدون ضروس
فتركيبتها ضيعها الذيب
فكانت تغطي خشمها عشان الحطاب ما يضحك عليها
وزهبه ضحكت شوي بعدين تذكرت أمها
قالت أستاذن
أمي قد خبلت عليه ذلحين
ابطيت عليها
قالوا الله يستر عليش
وقالت العجوز سلميلي عليها وقوليلها كثر الله خيرش على الفطور
راحت زهبه إلا وأمها بعصا رمااان
عقرتها شوي
وسحبتها بظفيرتها للبيت
قالت اشقومش أبطيتي
من كنتي معه يالفيييح
لكونش مع مشبب
زهبه كااانت تبكي وتمسح رعااامها
قالت لا والله ما جيته ولا شفته
قالت بأقلش القصه كلها
حكت القصه لأمها
أمها بكت وتحضنت بنتها
قالت آآآسفه يا زهبه
ووقفت الصوره على زهبه وأمها وهم يتحضنون بعض
والذيب يقولون قعد يصيح لين ماااات
يقولون ذبحه القيلون من الحيووود
والحطاااب والعجوز تزوجوا
ودااهاا المستشفى العسكري وسوولها تركيبه جديده
هاة اشرايكم فيها القصه تهول صح
ملطوشه
المتفائله بأحلامي @almtfaylh_bahlamy
محررة ذهبية
يلزم عليك تسجيل الدخول أولًا لكتابة تعليق.
ههههههههههه بس اتوقع اسمها ذهبه ولا زهبه صح ؟؟؟
بعدين هذي لهجة من بالضبط قحاطين ؟؟؟
مشكوره عالقصه الرائعه
بعدين هذي لهجة من بالضبط قحاطين ؟؟؟
مشكوره عالقصه الرائعه
الصفحة الأخيرة
مت من الضحك