الجزء الثالث كيف نعالج هالادمان !!!! نخلي الادمان ادمان صحي !!! مجاني !! او بملبغ زهيد كيف
1_ نتوجه لتعليم اكثر في امور دينا اذا وايد مبذره تقرين في هالشي او تبين تتاجرين تقرين في هالشي
تتعلمين تتفقهين تدورين عن الادعيه او الاعمال الي تجلب الرزق وتبعدج عن التبذير تتقربين لله اكثر
لان البعد عن الله هم وحزن وضنك وكدر وضيق والقرب منه خير وراحه ورضى ويقين ورزق وفير باذن الله
2_نتوجه للرياضه !!!هيه عشان تشغلين نفسج عن الشراء الغريب العجيب !! تقولين ما بشتري ملابس يديده لين جسمي يصير منيكان !!! فشو الاشيء الي تقدرين تسوينها!! تمشين ((مجاني)) ممارسة الايروبك او التمارين الرياضيه ساعه في البيت مجاني او تاخذين مشايه بسعر جيد وتكون للابدموجوده تمشين عليها
شو بتستفيدين ؟؟؟
أ_بعد شهر بتفقدين كمن كيلوا
ب_جسمج بينشد اكثر وبتخف التضاريس ((بدون كريمات وخلطات ووووو فلوس على الفاضي لانها عامل مساعد وليسى علاج رئيسي ))
ت_قررتي ما تشترين ثياب جميله الابعدنزول الوزن وفرتي على نفسج كمن قطعه بتشترينها هالشهر ما بتناسبج بعد كم شهر !!!
3_توجهين الادمان بالاهتمام بتنظيف البيت بشكل حقيقي ((بدون وسواس النظافه ))جذيه بتعرفين بالضبط شو تملكين ويوم عن يوم سلة المهملات ما بتنترس بسرعه بسبب الي نرميه فيها
4_توجهينه للاهتمام بصحج باكلج بدال ما تشترين كيكه جاهزه يعلم الله شو فيها ب 100 يزيد او ينقص تشترين ب100 فواكه وخضروات وسلطات تستفيدين منها يعني نتكلم عن الصرف المدروس
5_توجيهنه للعنايه بجمالج بدال ما تشترين كل يوم خلطه كل يوم تنزل في النت تروحين لاهل الاختصاص بتصرفين نفس المبلغ وبتلقين نتيجه حقيقيه وسريعه ومع الوقت بيقل التردد على العيادات او مراكز التجميل لان المشكله بدت تنحل طبعا لا يمنع ان هناك تجارب حلوه ورائعه وطبيعيه في المنتديات استفدنا منها بس نحاول ما نطبق كل شي الا الي متاكدين منها لاني انا بصراحه عندي كبت وادرج امتلـــــــــــــــــــت بسبب المنتديات ونصهابدون فائده يالسه الحين استخدمها عشان تخلص ولا ارميها حرام وصرت مااشتري شي الا اذا له تجارب ناجحه كثيره
6_القرائه القرائه القرائه سواء من النت او الكتب او المجلات او او او او او لانها تزيدنا وعي وتخلينا ندرك الامور بشكل اعمق ونفهم انفسنى والمحيط الي نحن نعيش فيه بنستفيد منه اشيء كثيره !!
1_ممكن نتعلم كيف نعامل الغير من الي حوالينا
2_ممكن نتعلم اشيء في دينا ما كنا نعرفه شي نوهينا عنه ونحن مانعرف ونرتكبه
3_ممكن نتعلم كيف ندير حياتنا او مشاريعنا او كيف نطور او نوفر او نستثمر
4_ممكن نتعلم مهاره نسويها بادينا نستفيد منها وتكن باب رزق جديد النا
5_ممكن نتعلم اسرار مهن كثيره كنا نجدها صعبه وطلعت بسيطه
6_فوائد لا تعد ولاتحصى
بالطريقه هذي انتي بتكونين امتلكتي اهم ثلاث اساسيا وتاكدي بعد شهر من تطبيق هالاشيء بتكونين انسانه جديده لا تحرمين نفسج من التنظيم والترتيب سواء افكارج حياتج فلوسج لوتشوفون الدين كيف مرتب منظم ما في شي عشوائي ومريح سبحان الله لازم نتعلم من دينا كل شي ...
اسعي لتكونين انسانه جديده
انتظروني في الجزء الرابع الله الله بالدعاء يابنات
الجزء الثالث كيف نعالج هالادمان !!!! نخلي الادمان ادمان صحي !!! مجاني !! او بملبغ زهيد كيف
...
الله يوفقك بحياتك ويخلي لك امك وابوك ويرزقكم من واسع فضله