السلام عليكي اختي

suad ترى نسيت ادعي لك ولي بالذريه الصالحه ااااااامين اللهما امين:27:

السلام عليكن ورحمة الله وبركاته
حابه أفيدكم عن تجربتي مع زوجي بس مش تخرج لأنه أتخرج ماشاءالله عليه قبل لايتزوجني ، بس مره عملتله حفله كبيييره وعزمت فيها كل حبايبه يعني من أهله وكنت جداً مبسوطة وكانت مفاجأة رااااااااااااائعة بالنسبة له وحبيت أجمع له كل أهله اللي من قريب واللي من بعيد لأنه كان راجع من سفره بعييييده والحمد لله قلت بالمره على رجوعه بالسلامة وثاني شي أجمعله كلللللللل معارفه وحبايبه وكانت سهرة راااائعة بالشاليه الخاص بأهله وكنت وصيت على عشاء محترم يكفي الرجال والنساء ومانسيت ترتيبات قبل العشاء والضيافة واللازم منه ، وبصرااااحه الكل كان مبسووووط وماتتصوروا فرحة زوجي فوق فوق ماتتصوروا لأنه كان متفاجيء ومو مصدق الإهتمام يوصل لدي الدرجة ، لا وصاروا الرجال يعلقوا على زوجاتهم بعد كده يبغالنا نسافر عشان نرجع ويصيرلنا مثل ماصار لفلان وتصدقوا إنه زوجي يحبني ويحترمني ولله الحمد ولكن زااااااد والله تقديييير وإحتراااااام ليه بعد حركتي اللي إحتسبت أجرها عند الله سبحانه وتعالى ، وتعرفوا إنه أخوانه وأبوه كانوا متفقين معايا قبلها إنه محد يجيب له سييييره أبد وكانوا قدها والله هههههههه ، بس عارفين إحتفالنا الخااااص كان قبلها بليلتين وفي بيتنا عملتله إستقباااال خااااص جداً إنبسط فيها بالمره ماشاء الله علينا ، وأما عن المعازيم فأنا عرفت موعد وصوله وقبلها بكم يوووم بدأت الترتيبات لليله اللي يستحقها زوجي وأبو أولادي الله يحفظه إنشاءالله ويخليه تااااج على راسنا أنا وأولادي ، وعقبالكم حبيباتي والله أدعيلكم كلكم بالخير مع أزواجكم الطيبين اللي يستاهلوا كل كل كل خييير والله لأنه صدقوني على قد عطائهم لينا لاااااازم نعطيهم ولو القليل .
أنا عارفة إني طولت عليكم أخواتي بس حبيت والله إني أحكي من تجاربي مع زوجي واللي بتجعلنا نقرب من بعضنا البعض ولا نستغنى عن بعض إنشاءالله تعالى ولاهو بينسى شي من الأشياء اللي تعملينها عشانه أو تقربيه من أهله وتحببي أهله فيكي لأنهم بعد زواج الوحده منا يعتبروا أهلها أيضاً الله الله أخواتي على الحب الصادق الخالص لوجه الله تعالى ، وإذا حاااابين أحكيلكم عن تجربتي الثانيه معاه بعد ماأخذ الدرجة من عمله فاهاذي لااااااااا شي ثاني .
وتحياتي لكم .