يا بنات حواء ما في منتجات تعرضوها للبيع خارج دول الخليج؟؟؟؟

أختي الغالية

حياج الله ومرحبا بج واحنا كلنا خوات

والمسالة مو ان نحن ما نبى غيرنا يستفيد المسألة ان احنا نعاني دايماً من مسألة
الشحن والتوصيل وتحويل المبالغ.

يعني تخيلي احنا علشان نطرش بضاعة مثلاً من الإمارات للسعودية يتم دفع مبلغ 50درهم
أو اكثر علشان تحويل الفلوس، وغير كذا قيمة الشحن عالية،
واحيانا البريد يرفض يرسل بعض الأشياء مثل العطور مثلاً.

وانا مرة طلبت اغراض من السعودية وقالولي تكلفة الشحن راح تكون 160ريال
غير اني دافعة 40 درهم للتحويل. يعني علشان اطلب اي طلبية راح ادفع200ريال زيادة!!!
فما بالج لو كان الشي اللي بطلبه قيمته اقل من هالمبلغ!!

فتخيلي احنا نعاني من هالمشاكل واحنا في دول جنب بعضها البعض،
فما بالج بالدول البعيدة.

لكن انتي اذا حابة شي في البداية سويله دعاية وممكن تطبيعين صورها وتورينها
الناس وبعدها جمعي عدة طلبات واطلبيها دفعة وحدة وخذي لج نسبة عليها.
لأن لو بتطلبين حق وحدة ولا ثنتين بس ما راح تغطين تكلفة شحن البضاعة
وتحويل الفلوس.

أو اشتري انتي كمية بالجملة وبعدين بيعيها بنسبة ربح معينة
بحيث تغطين اي تكاليف ثانية.

وسامحيني على الإطالة.

هلا بيكي اختي جنااااان و حياك الله

والله يا اختي اعرف ان في مشكلة بالتوصيل بس انا طبعا راح اشتري يكمية كبيرة او بالجملة
و لكن ما زالوا البنات رفضين يبعن لي المنتجات

معلش راح استنى الى ان تعرض لي اخت منتجاتها و ان شاء الله ما يصير الا كل خير

و شكرا لك على رد اختي جنااااان