الي تبي تحمل مالها الا ......

والله على ماقول شهيد
السلام عليكم ورحمه الله وبركاته
طبعا كلنا نعرف او على الاقل سمعنا عن الحريم الي يمرخون (تدليك) ويتعاملون بالطب الشعبي لكننا مانلجأ لهم اول شئ اذا واجهتنا مشكله صحيه خصوصا في مسئله الحمل والولاده
وعلى طول على المستشفيات ومن دكتور لدكتور المهم .....الغرض من موضوعي هذا اني اعرفكم بقصتي
انا متزوجه من 4سنوات واراد الله اني احمل على طول وبعدين ولله الحمد والمنه سقطت على طول وبعدها بسنه حملت وسقطت مره ثانيه والحمدلله على كل حال طبعا بعد التسقيطه الثانيه صارت الدوره تجيني كل 35يوم او كل 37 يوم وانا متعوده كل عمري دورتي مضبوطه والحمدلله
وبعدين حاولت احمل ماحملت رحت اكشف عند الدكاتره يقولون كل شئ سليم الرحم والمبايض كله اوكيه وبعدين سمعت عن حرمه تمرخ عندنا في المنطقه الشرقيه رحت لها ثاني يوم الدوره ومسكت بطني قالت الرحم مائل قليلا والمبيض اليمين تعبان شوي ومرختني ثلاث ايام وعطتني منشط طبيعي استمر عليه يوميا وقلت لها ان الدكتوره كانت بتعطيني حبوب تنظم الدوره علشان احمل قالت لي بيني وبينك ثلاث شهور لاتأخذين اي دواء لما تشوفين ادويتي بعد الله سبحانه
وذاك الشهر اكثرت من الاستغفار والدعاء و ماشفت الدوره ولله الحمد وحملت بأحلى ولد في العالم :)
والحمدلله والمنه له
المهم غلطتي الكبيره اني استخدمت حبوب منع بعد الولاده ولا عالجت نفسي زين في الولاده واللحين بعد سنه من استخدام الحبوب دورتي تخلبطت ولقوا عندي هرمون الحليب مرتفع :(
الحمد لله ولا نزلت الدوره شهر ونص طبعا كلمت هذي الحرمه وشرحت لها الوضع قالت لي يابنيتي المبيض تعبان وتأثر وانتوا ما تدرون شلون هلحبوب تحوسكم وتأثر على المبايض تعالي اعطيك منشط واذا نزلت الدوره وتأكدتي ان انتي مو حامل تعالي واعطيك باقي الادويه
والحمد لله بعد استخدام المنشط اقل من اسبوعين نزلت الدوره
وشفت عندها حرمه كانت جايبها بنتها ماتزوجت وقايلين لها الدكاتره ان عندها تليفات سراطانيه والعياذ بالله والانابيب متسكره ولازم عمليه وهذا الكلام قبل سنه بس هالحرمه عطتهم ادويه وبعد ثلاث اشهر من الاستخدام فحصوا البنت وسوا اشعه لقوا كل شئ راح سبحان الله ومن هالقصص واجد الي تفك الرأس والله العظيم يا بنات ان الدكتور الي تابعني في حملي بولدي قالي جيبي لي المنشط الي اعطتك اياه الي طلع هالكثر بويضات ونشط المبيض ابي احلله
والله العظيم اني صادقه .........
الغرض من موضوعي اني ودي اقولكم حبيباتي لا نروح بس للادويه والبلاوي حقت المستشفيات نلجأ لتراثنا وجداتنا
وامانه عليكم اذا تعرفون احد في حاله خطره ولازم عمليه للمبياض او الرحم او تكيسات او هرمون حليب او تأخر حمل ويقدر يجي الشرقيه انكم تراسلوني على الخاص
لان مثل مانا استفدت ودي افيد اخواتي المسلمات
والله على ماقول شهيد