يهمنى رئيكم

السلام عليكم ورحمه الله وبركاته
قبل ما اطرح موضوعى راح اقول لكم نبذه عن الي باحكي لكم عنها
في البدايه كان عندي ولد عم كان بيننا حب منذو الطفوله وبعد ما كبرنا مادرى عنه هل يحبنى او لا انا جاني زوجى وخطبنى والحمد لله تزوجت مع اني كنت احب ولد عمي بس قلت يمكن هو ماهو بحولي وانا باعيش باحلام
بعد زواجى تزوج هو وحده من جماعتنا وهى كانت علاقتها معى جدا ممتازه بعد زوجها بفتره كنت ادق عليها ماترد ارسل لها ماترد بحكم انا وهي سافرنا بعيد عن اهلينا وقلت انا نتزوار
تقريبا بعد زواجى باربع سنوات اتضح لي السبب ان زوجها معلمها انه كان يبينى وطلعت علي كلام اني انا قلته وهي كذابه ووصل لامها
عرفت عن طريق امها لانى اتصلت على امها وقلت لها ايش فيها فلانه ادق ماترد ارسل ماترد قالت لي كفايه الي طلع منك وخلي بنتى في حالها قلت انا ايش طلع مني قالت اني انا رحت لها وقلت اني انا كنت احب زوجها وهو يحبنى بالله عليكم انا في عصمه رجل هل بالعقل اروح اقول هالكلام
بعدها انا سافرت عند اهلي وهي بعد سافرت عند اهلها قلت لامى عن الموضوع وامى حلفتنى انا ايش قلت لها وحلفت لها اني ماقلت لها كذا اصلن بس زرتها مرتين من يوم ما تزوجت وكنت احكى لها ان عيال وعمى وخالتى نفس اخواني لاننا كنا نسافر مع بعض ونجى مع بعض وحتى زوجها اعتبره مثل اخوى ما يفرق بيننا الا الغطوه
قالت امى خلاص انا وانتى نروح لهم واذا هي كذابه راح يبين واذا انتى كذابه راح يبين وفعلا رحنا لهم وحكيت الي عندي وهى جالسه وطلع كلامى صدق بس هى نطت وقالت انها هي فهمت اني انا احب زوجها قلت انا ايش الي خلاك تفهمين كذا وبعدها امها قالت خلاص الموضوع ينحل وانتو مثل الاخوات ولازم تسلمون على بعض قلت انا مستحيل ادخل لها بيت بنتك دام تفكيرها كذا لكن اذا هي وزوجها يبون يجون يزورونا الله يحيهم قلت كذا لان زوجى وزوجها بينهم صله رحم طبعا حتى زوجها قطعنا
الان اذا شفنا بعض في مكان عام او زواج نسلم على بعض بس سوالف وضحك نفس اول لا يعنى علاقه جدا رسميه وسطحيه مع ان المشكله صاير لها تقريبا خمس سنوات
هذي نبذه مختصره عن الي بينى وبينها
المشكله الي باقول لكم عليها
الان بنات جمعتنا مسوين قروب ولهم سنه فيه وهى مسويه القروب وما حطتنى فيه وصار للقروب سنه وبعدها صارت بنت خالتى مشرفه للقروب وحطتنى فيه الحين هي سوت لي حظر لانى اخذت جوال بنت خالتى اسجل ارقام البنات لانها مو كلهم اعرف ارقامهم لا حظت انه في جوال بنت خالتى طالعه صوره العرض والحاله وفي جوالي مو طالعه صوره العرض حقتها عرفت انها يوم عرفت اني في القروب حظرتنى
الحين اكيد بتقولون خليها وطنيشها انا اكيد راح اطنشها
لكن هي قهرتنى بهذي الحركه زمان سببت مشاكل والحين حظرتنى بالله هذي مو حسوده حسبي الله عليها